Мына қол таза болсын!-деп екі қолын жайып жиналысқа отырғандарға қарап сабырлы сөйледі.
-Дұрыс айтасыз Далбай Қалбаевич,-деп ілім әкетті замы… Далбай Қалбаевич тумысынан таза, әділ адам… Сондықтан да, осы жерде отырған үлкені бар, кішісі бар, ірісі бар, тірісі бар барлығымыз осы кісіден яғни шефтан үлгі алуымыз керек. Ия… Далбаев Қал-бай-евич…Да!?
Қабағын түйіп сыздаған мекеме басшысы су ішкісі келді ме, тамағына тас тұрғындай жөткірініп еді. Зам орнынан лып етіп тұрды. Әдемі ыдысқа су құйды. Міне кейі-ңіз..!
-Өсетін бала-деді кеңесші.
-Жағымпаз,-деді БасБух.
-Сұм,-деді ішінен осы мекеменің кіші қызметкері.
-Сонымен әріптестер!.. Біздің жұмысымыздың барлығын халық көреді. Игіліктің ерте-кеші жоқ. Сіз боп, Біз боп бірігіп мына бес саусақтай жұмылып жұдырық болуымыз керек… Сондықтан да, да…да бәріңізге қатысты. Қазына мүлкінен бір тиын ұрланатын болса, мына мен аямаймын. Өзіміз де алмаймын (Құдай сақтасын!) Сіздерге де алғызбаймын,-деп жөткірініп барып басылды. Сонымен жаңа басшының алғашқы актив жиыны аяқталды.
*
Құдай берем десе,
Құдай жарылқаймын десе,
Құдай есіркеймін десе, сол екен -ау!.. Масатындай гүлденіп келе жатқан мамырдың мінезі бірден өзгерді. Ал кеп қар жаусын. Боран болсын… Қала көшесі езілді де кетті. Артынан былш-былш еріді. Өсекторлар пырт-пырт жазып жатыр.
Үйімізді су алды дейді.
Топан су басты дейді.
Көшеміз лай батпақ дейді.
Бірден шұғыл жиын өткізді Далбай Қалбаевич. Алдымен табиғаттың тосын мінезін айтып жиынды бір-аз сағыздай созды. Қараша халықтың жәйі мен күйі деп, алаң көңілін білдірді. Жиналыстың басында үнсіз отырып, сосын барып қорқылдап ұйықтап кеткен бірер маманға қатаң сөгіс берді.
Ауылдың жауапты басшыларын орындарынан тұрғызып сілкіп шаңдарын қағып алды.
Замға ақикөзденіп тапсырманы уақытылы орындамайсың деп оған зекіді.
БасБухты орнынан тұрғызып бюджетті уақытылы жоспарламайсыз деп мәймөңкелеп (әрине сценарий бойынша келіссіммен) біраз ұрысып қабағын түйді.
Ең соңында жұмсарды. Құрметті жиынға қатысушылар. Мамыр айыңда табиғат тосын мінез көрсетті. Қардың қалыңдығы бір жарым метр-ге дейін көтерілген. Осы қарды тысқа шығарсақ, со-ған ия… иә… бюджеттен қаржы қарастырмақшымыз,-деп жан-жағына қарады. Алдымен БасБух «мақұл дегендей бас изеді. Одан кейін Зам… кейінгі мамандар. Қысқасы бірауыздан шешім қабылданды. Мөр қойылды. Дауыс берілді. Шешімі шығып қағазға бекітілді.
*
-Шіркін, Далбай Қалбаевич Сіз өте таланттысыз. Алғырсыз, ақылдысыз. Прямо Гейнийсіз ғой… Бірде-біреуі аузын ашқан жоқ. Бір жарым метрге дейін қар жауды дегенде, тысқа ана бір ақикөз тәпелтек маман жігіт көз салды. Қар қайда дегендей. Вовще сол маған ұнамайды,-деді Зам.
-Һім… Анау коттедж үйіңіздің шатырын бірер күнде жабады,
Суы тартылды, айналасы қоршалды.
Жиһазына басқасына тапсырыс берілді. Енді… тек қоныс тойы ғана қалды,-деп басшысының қолтығынан демеді Зам.
*
Ертеңіне шағын қаланың көшесінде қолына күрек ұстаған мекеменің жұмысшылары мен тырқылдақ ескі көксау трактор оңды-солды шапқылады. Жүк машинасымен тысқа бір машина қар шықты. Сол күні тағы да жапалақтап қар жауғаны мұң болды. Сөй-тіп Далбай Қалбаевичтің мақсаты іске асты. Маусымның бас кезінде Далбай Қалбаевич жол апатына түсіп, басынан зақым алыпты-мыс. Денсаулығына байланысты жұмыстан босады. Бірақ Зам мен БасБухты қазір жемқорлық фактісімен Антикор қайта-қайта тергеуге шақырып жатыр. «»Табиғат бұзылған ба, әлде адам бұзылған ба, мамыр айыңда бір жарым метрге дейін қар жауғаны шынымен-ақ қызық дейді антикордың тергеушілері.
Ал Зам мен БасБу:-Қардың жауғаны ып-ырас, даже сол күні бір жарым метрге дейін жауған қарды мекеме қызметкерлері жаппай шығып әрең деген-де тысқа шығарып халықтың алғысын алдық,-деп міз бақпайды. Ақыры екеуі істі болды.
Ал Далбай Қалбаевич жеке ресторан ашып алып, бизнесін жүргізіп жатыр. Баяғы Зам мен БасБухты ара-тұра еске алады «байғұстардың отырған орнына аз-мұз қаражат жіберу керек еді» деп ойлайды. Бірақ қолы тимей жүр…
Бурабайдың Жеңісі