. Бүгін Астанада Кипр Сыртқы істер министрінің Қазақстанға ресми сапары аясында Қазақстан Республикасы мен Кипр Республикасы арасындағы сотталған адамдарды беру туралы келісімге қол қою рәсімі өтті. Келісімге Қазақстанның Бас Прокуроры Берік Асылов пен Кипрдің Сыртқы істер министрі Константинос Комбос қол қойды. Бұл халықаралық құжат қазақстандық азаматтарға Кипрде жасаған қылмыстары үшін бас бостандығынан айыруға сотталған жағдайда тағайындалған жазаларын өз елімізде өтеуге мүмкіндік береді. Бұл өз кезегінде сотталғандарды олардың азаматтық қатыстылығы қоғамында оңалту және ықпалдастыру үшін қолайлы жағдайлар жасайды. Кипрдің азаматтары да Қазақстанда сотталған жағдайда осындай мүмкіндікке ие болады. Мұндай түрдегі халықаралық келісімдерді жасасу Қазақстан Конституциясының 11-бабының талаптарымен көзделген, оған сәйкес мемлекет өзінің одан тыс жерлерде жүрген азаматтарын қорғауға және оларға қамқорлық жасауға кепілдік береді. Естеріңізге сала кетейік, 2022 жылдың қазан айында Қазақстан Кипр тарапымен қылмыстық істер бойынша өзара құқықтық көмек туралы және адамдарды ұстап беру туралы шарттар жасасқан болатын. Кипр Қазақстанда қылмысқа қарсы күрес, заңдылық пен құқықтық тәртіпті қамтамасыз ету, сондай-ақ азаматтардың негізгі құқықтары мен бостандықтарын қорғау саласындағы ынтымақтастық үшін барлық қажетті халықаралық-құқықтық негіз қалыптасқан кезекті еуропалық елі болғанын атап өткен жөн.
Трендте
- Қазақстанда барланған алтын қоры оны өндіру көлемінен асады
- Биыл қанша адамды әскерге шақырады?
- Азия чемпионаты: Махмұд Сабырхан қарсыласын бірінші раундта-ақ 3 рет нокдаунға түсіріп, ширек финалға өтті
- Қазақстанда жерде сирек кездесетін металдар қорының учаскесі табылды
- Джо Байден ұлына рақымшылық жасады
- Қазақ ғалымдары қатерлі ісіктен емдейтін дәрі ойлап шығарды
- Туған әпкесін мектеп директоры лауазымына тағайындаған
- «208 миллион теңгеге жалған медициналық қызмет көрсетілген»: 2025 жылдан бастап ауруханаларда Face ID жүйесі іске қосылады
