«Zhas Project» жобасына 18-34 жас аралығындағы NEET санатындағы жастар (уақытша жұмыспен қамтылмаған) қатыса алады. Жоба жеңімпаздарының әрқайсысына әлеуметтік бастамаларды іске асыру үшін 1 миллион теңгеге дейін шағын грант бөлінеді, деп хабарлайды мәдениет және ақпарат министрлігі. Өтінім 24 сәуір сағат 23:59-ға дейін қабылданады. Әр өңір бойынша өтініш қабылдайтын үкіметтік емес ұйымдардың байланыс мәліметі cisc.kz сайтында, Zhas Project бөлімшесінде көрсетілген.
