Қырғызстан сыртқы істер министрлігі өз азаматтарын аса қажет болмаса Ресейге бармауға шақырды. Бұл жөнінде Азаттықтың Қырғыз қызметіне Қырғызстан сыртқы істер министрлігі консулдық департаментінің басшысы Бақыт Қадыров айтқан. 22 наурызда Мәскеудегі «Крокус сити холл» концерт залына жасалған шабуылдан соң Ресейде мигранттарға қысым күшейген. Шенеуніктің айтуынша, Ресей билігі елден кетіп және келіп жатқан азаматтарды қатаң тексере бастаған. «Қазір Ресей антитеррор шараларын жүргізіп жатыр. Елден шыққан, кірген азаматтарды шекарада тексеру күшейді. Сондықтан елшілік Ресейге кіруді алдын ала жоспарлауға, қажет болмаса Ресейге бармай тұра тұруға шақырады. Антитеррор шаралары қанша уақытқа созылатыны туралы ақпарат жоқ. Кей азаматтар «қара тізімде» бар не олар құқық бұзған болса, елге кіргізілмейді» деді Қадыров. Құқық қорғаушылардың айтуынша, соңғы күндері тексеру және заңсыз ұстау фактілері көбейді деп шағым айтып жатқандар көп.
Трендте
- «Жемқорлар мемлекет мүлкін туысының атына рәсімдейді»: Депутат жалпыға бірдей декларациялау туралы
- Қазақстан орыс тілі ұйымын қаржыландыруға жылына 43 млн теңге бөледі
- Каспий итбалығы неден қырылып жатыр
- Бүгін Бүкіләлемдік балық шаруашылығы күні
- Биткоин бағасы алғаш рет $94 мың межеден асты
- Роботтар Жетісу облысындағы фермада мал жайғап жүр
- Израиль Ливанға бір тәулікте 100 зымыран атқылады
- Украинадағы Қазақстан азаматтарына ескерту айтылды
