Ақтөбе су қоймасына 27-29 наурыз аралығында 200 млн текше метр су келіп түсті, бұл оның жобалық көлемінің 80% құрайды.
Сонымен қатар, жергілікті органдармен бірлесіп, тұрғындарды эвакуациялауды қамтамасыз ету мақсатында төменгі ағыста жобалық қуаттан жоғары 15 млн. текше метр су жиналды.
1 сәуірге Ақтөбе су қоймасын толтыру көлемі 86% құрайды (жобалық 245,0 млн.м³-тан 211,4 млн.м³). Қазіргі уақытта 300 м³/сек транзиттік жіберу орнатылды, су тасқыны ағынын қабылдау мүмкіндігі бар.
Ақтөбе және Қарғалы су қоймаларында ағындардың жоғарылау қаупін бағалау үшін Елек және Қарғалы өзендерінің бассейндеріне аралап ұшып шығу және тексеру жұмыстары жүргізілді.
Тексеру қорытындысы бойынша Ақтөбе су қоймасына еріген судың қосымша ағыны түсетінін және оның деңгейі қауіпті емес екенін атап өткім келеді. Елек өзені бойынша одан әрі салалар болған жағдайда, артық су мөлшері су қоймасына жиналатын болады, бұл Қарғалы өзені (Елек өзенінің бүйірлік саласы) арқылы өту үшін Елек өзенінің деңгейін төмендетуге мүмкіндік береді.
Бүгінгі таңда Қарғалы су қоймасы толтыру режимінде жұмыс істеп тұр және оның деңгейі 58% құрайды (161,33 млн. м3).
Астана су қоймасына 26-30 наурыз аралығында 150 млн текше метр су түсті (жобалық 410,9 млн.м³-тан 402 млн.м³), бұл су тасқыны кезінде орташа көп жылдық түсімнен едәуір асып түсті (наурыздан мамырға дейін).
АНЫҚТАМА ҮШІН: соңғы төрт жылда барлық су тасқыны кезеңінде судың орташа түсімі — 189,5 млн. м3 (2020 ж. — 219,0 млн.м3, 2021 ж. — 298,76 млн. м3, 2022 ж. – 176,58 млн. м3, 2023 ж. — 63,49 млн. м3) құрады.
Астана су қоймасынан судың төгілуін болдырмау үшін 29 наурызда Есіл өзенінің арнасын жуу үшін төменгі бьефке су жіберу жүзеге асырылды. Су ағыны 384 м³/сек, су ағызу 300 м3/сек құрайды.
Қарағанды облысында орналасқан Самарқанд су қоймасы бүгінгі таңда 100 % толған (жобалық сыйымдылығы 253,7 млн. м3). Су ағыны 1210 м³/сек, су ағызу 1210 м3/сек құрайды.
Ұлытау облысында орналасқан Шерубай – Нұра су қоймалары бүгінгі таңда 96 % толған (жобалық сыйымдылығы 274 млн. м3). Су ағыны 1157 м³/сек, су ағызу 1157 м3/сек құрайды.
Самарқанд және Шерубай – Нұра су қоймаларынан тасталған және төмен жағынан қосылатын бүйірлік ағындарын (550 м3/сек) есепдегенде Нұра өзені арқылы Преображен су торабына шамамен 4 сәуір айына 2500 м3/сек су ағыны күтілуде. Өз кезегінде Қошқарбаев, Қосшы, Тайтөбе елді менкендерін су басу қаупі төніп тұр. Осыған байланысты жергілікті атқарушы органдар тиісті шараларды қамтамасыз ету керек.
Сонымен қатар, Ұлытау облысында орналақан Кеңгір су қоймасынан Сарысу өзені арқылы Қызылорда облысына 200-250 м3/сек су жіберілуде. Қызылорда облысының аумағында орналасқан Телікөл көліне жиналатын болады.
Бүгінде оңтүстік өңірлердің өзендерінің бассейндерінде су қоймалары жинақтау режимінде тұр және суару кезеңіне дайындық жұмыстары жүргізілуде.
Өңірдегі 17 ірі су қоймаларының су жинауы орта есеппен 87% құрайды, бұл өткен жылғы деңгейден 8%-ға артық
Елдің орталық, солтүстік, батыс және шығыс өңірлерінде жергілікті органдармен бірлесіп жинақтау және ағызу режимінде су тасқыны жағдайын болдырмау бойынша жұмыстар жүргізілуде. Барлық су шаруашылығы нысандарында тәулік бойы кезекшілік және су шаруашылығы жағдайының тәуліктік мониторингі ұйымдастырылған.
Солтүстік өңірдің 11 ірі су қоймаларында су жинау орташа есеппен 84% құрайды, бұл өткен жылғы деңгейден 5%-ға жоғары.
Батыс өңірлерде 7 ірі су қоймаларының орташа су жинау деңгейі 68% құрайды, бұл өткен жылғы көрсеткіштен 7% — ға төмен.
Шығыс өңірлерде 3 ірі су қоймаларында орта есеппен өткен жылмен бір деңгейде су жинау көлемі 65% құрады.
Орталық Қазақстанның 4 ірі су қоймасында орташа су жинау 90% құрайды және бұл өткен жылғы көрсеткіштен 20%-ға жоғары.
Сонымен қатар 2030 жылға дейін 9 облыстың аумағында 20 жаңа су қоймасының құрылысы аяқталады деп жоспарлануда.
АНЫҚТАМА: Ақмола, Қарағанды, ШҚО, Алматы, Жамбыл, Түркістан, Қызылорда, Ақтөбе және БҚО облыстары.
20 су қоймасын іске қосу халқының саны 137 мың адам болатын 70 ауылдық елді мекенді су басу қаупін төмендетуге мүмкіндік береді.
Бүгінгі таңда Министрлік 9 нысан бойынша жобалық-сметалық құжаттама әзірлеуді жүргізуде, оның ішінде 5 нысан бойынша құжат аяқталуда.
Бұған қоса 9 облыстың аумағында 15 қолданыстағы су қоймаларын қайта құру жұмыстары басталады, бұл халқының саны 75 мың адам болатын 64 елді мекеннің су басу қаупін төмендетуге мүмкіндік береді, деп хабарлайды су және ирригация министрлігінің баспасөз қызметі.