KAZINFORM – Астанада Қырғыз Республикасының Президенті Садыр Жапаровтың ресми сапары аясында Қазақстанның мәдениет және өнер қайраткерлеріне Қырғызстанның мемлекеттік наградаларын тапсыру рәсімі өтті.
Іс-шара барысында Қырғыз Республикасының Мемлекеттік хатшысы Сүйүнбек Касмамбетов мәдениет және өнер өкілдерін мемлекеттік наградалармен марапаттауды ғасырлар бойы қалыптасқан достықтың, ортақ мәдениеттің, ынтымақтастықты дамытудың белгісі, сондай-ақ мәдени-гуманитарлық байланыстарды одан әрі белсенді дамытуға бағытталған қадам ретінде қарастыру керектігін атап өтті.
Қырғызстан Республикасы Президентінің Жарлығымен Қырғыз Республикасы мен Қазақстан Республикасы арасындағы достық пен ынтымақтастықты нығайтуға қосқан елеулі үлесі үшін мына адамдар марапатталды:
«Данакер» орденімен:
— Мұрат Мұхтарұлы Әуезов – Қазақстан Республикасының қоғам қайраткері, мәдениеттанушы;
— Мұхтар Шаханов – ақын, дипломат, Қазақстан Республикасының Қырғыз Республикасындағы бұрынғы Төтенше және өкілетті елшісі.
«Достық» орденімен:
— Сауытбек Әбдірахманұлы Әбдірахманов – публицист, әдебиеттанушы, журналист, кино сыншысы, Қазақстан Республикасы Парламенті Мәжілісінің экс-депутаты;
— Мырзатай Жолдасбеков – Қазақстан Республикасының көрнекті мемлекет және қоғам қайраткері, түркітанушы;
— Ерлан Әбілфайызұлы Ыдырысов – мемлекет қайраткері, Қазақстан Республикасының бұрынғы Сыртқы істер министрі;
— Жеңіс Махмұдұлы Қасымбек – Қазақстан Республикасы Астана қаласының әкімі;
— Дархан Қуандықұлы Қыдырәлі – Қазақстан Республикасы Парламенті Сенатының депутаты, Л.Н.Гумилев атындағы Еуразия ұлттық университетінің профессоры, Қазақстан Республикасы Ұлттық ғылым академиясының академигі;
— Бауыржан Жұмаханұлы Омаров – Қазақстан Республикасы Президентінің кеңесшісі, филология ғылымдарының докторы, профессор;
— Жансейіт Қансейітұлы Түймебаев – Әл-Фараби атындағы Қазақ ұлттық университетінің басқарма төрағасы – ректоры.
«Даңқ» орденімен:
— Ақтоты Рахметоллақызы Райымқұлова – Түркі мәдениеті мен мұрасы халықаралық қорының президенті.
«Қырғыз Республикасының халық әртісі» құрметті атағымен:
— Алтынбек Қоразбаев – кеңестік және қазақ композиторы, әнші;
— Роза Қуанышқызы Рымбаева – кеңестік және қазақ эстрада әншісі және кино актрисасы.
Даңқ медалімен:
— Дидара Күлкенова – Қазақстан Республикасы «Таң-Шолпан» әдеби-көркем, бұқаралық журналының бас директоры – редакторлар кеңесінің төрайымы;
— Нұрлан Жаңбыршыұлы Нұркенов – Қазақстан Республикасы, Астана қаласы әкімінің бірінші орынбасары.
Қырғыз Республикасының Құрмет грамотасымен:
— Нұрлыбек Саматұлы Сафин – «Таң-Шолпан» әдеби-көркем, бұқаралық журналының бас редакторы, Қазақстан Республикасы;
— Ерлан Батташұлы Сыдықов – Л.Гумилев атындағы Еуразия ұлттық университетінің басқарма төрағасы – ректоры.
— Ербол Жақсыгелдіұлы Хабылбеков – Қ.Қуанышбаев атындағы Қазақ мемлекеттік академиялық музыкалық-драма театрының директоры.