Қазір таңда елімізде қазақ тілінің тағдырына алаңдайтындарға қарағанда, оны білмейтіндердің ертеңіне алаңдайтын сәт келді. Қазақ тілін қолданушылар күн санап артып келеді, бұл қуанарлық жағдай. Оған Қазақ тілі қоғамы ұйымының “Көрнекі” жобасы да ат салысып келеді.
Көрнекі жобасы тамақтану орындарының ас мәзірі де қазақ тілінде болуын талап етіп, сол бойынша көптеген жұмыстар атқаруда. Қазақ мемілекеті бола тұра, қазақ ас мәзірі болмауы бұл дұрыс емес, дейді жоба авторлары.
Міне бұның бәрі қазақ тілінің болашағы, қазақ тілінің мәңгі өлместігінің айғағы болары шүбәсіз!
Қазақстанда тұрып жатқан әр азамат, мемілекеттік тілін білуі керек деп ойлаймын. Мысалы мен шет елден келіп оқып жатқан қандаспын. Алғашында Қазақстанға келгенде барлығы қазақ тілінде деп ойладым, бірақ мен қателескен екенмін. Дүкенге барсам да, қайда жүрсем де маған қиындықтар туындады, себебі жергілікті тұрғындардың көбі орыс тілінде сөйлейді екен. Менің ойымша Қазақстан мемілікеті тек қазақ тілінде сөйлеуі керек.
Мағжан Жұмабаев атамыз айтқан екен:
«Жауыз тағдыр жойды бәрін не бардың…
Алтын күннен бағасыз бір белгі боп,
Нұрлы Жұлдыз, бабам тілі, сен қалдың! »
Расымен де ата-бабамыз елімізді, жерімізді жау қолынан қасық қандары таусылғанша жандарын пида етіп, болашақ жастар біздер үшін күресті емес пе?!
Ал біз сондай қиындықтан сақталып қалған тілімізді өзге тілімен ауыстырмақпыз ба? Жо, жоқ біздер ата бабамыздың бізге берген мұрасын өшпестей етіп сақтап жадымызға сіңіріп оны болашақ ұрпаққа сый етуіміз керек!
Қазақ деген ұлттың жойылып кетпеуі үшін күресіп, Гималай тауын асқан ата бабамыздан бізге қалған ең бірінші мұра сол тіл болғандықтан қазақ тілін саф күйінде сақтау үшін күресу бізге міндет.
«Ана тілің – арың бұл,
Ұятың боп тұр бетте.
Өзге тілдің бәрін біл,
Өз тіліңді құрметте,» — деп Қадір Мырза Әли атамыз жырлап кеткендей, қанша тіл білсекте, өз ана тілімізді қадір тұтып құрметтейік.
Нәрнәр Иүсіп