Украина президенті Владимир Зеленский АҚШ үкіметі минералдар жөніндегі жаңа келісімнің нұсқасын әзірлеп, оны жақын арада ратификациялау үшін парламентке жіберетінін мәлімдеді, деп хабарлайды “BaiMedia” ұлттық порталы.
«Бұл – АҚШ тарапынан ұсынылған кеңейтілген және толыққанды келісім. Бұрынғы негіздемелік құжаттан кейін біз енді толыққанды келісім жасау кезеңіне өттік. Қазіргі таңда АҚШ бізге бірден жан-жақты келісім ұсынды», – деді Зеленский.
Президенттің айтуынша, құжаттың толық мазмұны әлі жарияланбаған, алайда атом электр станцияларына қатысты ешқандай мәселе қарастырылмаған. Сонымен қатар, Зеленский Ресей атысты тоқтату режимін бұзған жағдайда, Украина АҚШ-тың нақты әрекеттерін күтетінін атап өтті: «Егер Ресей келісімді бұзса, біз президент Трамптан санкциялар енгізуді, қысым жасауды және қару-жарақ жеткізуді сұраймыз. Бізде нақты дәлелдер болады», – деді ол.
Сапарбек Гүлнұр Ержанқызы