Жалпы қыс басталғалы қар құрсауынан 500-ден астам адам құтқарылған. Төтенше жағдайлар министрлігінің дерегінше, құтқару бөлімшелері қыс келгелі 517 адамға, оның ішінде 72 баланы қар құрсауынан алып шыққан. Сондай-ақ, 113 бірлік техниканы қардан шығарған. 348 адам 19 жылыту пунктіне жеткізілген. Қыстағы төтенше жағдайлардағы шұғыл шақыртуларға 37 400 адам, 13 600 бірлік техника даяр тұр. 1548 жылыту орны әзірленіп, елдің 12 өңірінде жедел штаб құрылған. Дегенмен министрлік тұрғындарды төтенше жағдай туындаған жағдайда, құтқару қызметінің «112» бірыңғай нөміріне қоңырау шалуға кеңес береді.
