Экологияны қорғау мақсатында 1972 жылы БҰҰ-ның қаулысы бойынша 5 маусым – Дүниежүзілік қоршаған ортаны қорғау күні болып бекітілді. Содан бері әлемде табиғатты қорғауға қатысты іс-шаралары өтеді.
Мәселен, Еуропадағы жаңалықтарға үңілсек өртелген қоқыстардың күлін де кәдеге жаратып,өзен-көлдерінің жағасын бекітуге, құрылыс материалдарын қайтадан шығаруға пайдаланады.Тіпті қураған ағаш пен жапырақтардан арнайы тыңайтқыш жасалынады. Сондай-ақ Батыс елдерінде істен шыққан техникалық бұйымдарды арнайы өндірістік контейнерге апарып тапсыруыңыз керек. Немесе 200-300 еуроға мамандарды шақыртып қоқыс бұйымынан арыласыз. Сұрыптау тәртібін сақтамағандарға 250 еуро көлемінде айыппұл салынады. Бельгияда қоқысты сұрыптау қатаң тәртіппен жүреді. Төрт түрлі пакетке сұрыпталатын әр қоқыс қайтадан өңдеуден өтеді. Ал,өңдеуге жарамайтын қоқыстар өртеліп одан электр энергиясы өндіріледі. Кәрі құрлықтағы елдердің көбі қоршаған ортаны барынша қорғауға дабыл қағады.Себебі,2050 жылы теңіз түбінде фауна мен флора жойылып пластик қалдықтары толтыруы мүмкін.
Брюссельдегі қоқыс өртейтін зауыттың бас инженері Джек Делинте: «Бұл қоршаған ортаны қорғауға арналған жоба болғандықтан біз жыл сайын технологияны дамытып отырамыз. Ауаға улы заттар тарамас үшін түтін мұржасына ең қымбат фильтр орнаттық. Шығып жатқан түтін адамдарға, ауаға еш зияны жоқ» деді.
Ал бұл күн елімізде де елгіленіп өтеді. Осыған орай еліміздің жер-жерінде «Таза Қазақстан акциясы ұйымдастырылып жатыр.
- Жыл сайын әлемде 400 миллион тонна пластик қоқыс шығарылады.
- 400 миллион тонна қоқыстың жартысына жуығы – сусын құтысы, қаптама секілді бір реттік пайдаланылатын пластмасса өнімдер.
- Пластик қалдықтың тек он пайызы ғана қайта өңделеді.
- Жыл сайын 23 миллион тонна пластмасса өзендерге, көлдерге, теңіздер мен мұхиттарға ағып кетеді.
- 2050 жылға қарай пластик өнім тұтыну көлемі екі есеге артады.
- Әлемде орташа есеппен тәулігіне жан басына шаққанда 0,74 килограмм қоқыс тасталады.
- Қазақстанда жылына орта есеппен 5 миллион тонна тұрмыстық қалдық шығады.