Астана. 7 тамыз. /Әсел Мәдәліқызы/ BM.KZ – Әлеуметтік желіде Абай облысының әкімі Берік Уәлидің бұрын сотталып, жазасын өтеп шыққан Арман Әбілтаевпен бірге түскен суреті тарап, көпшілік назарын аударды.
Осы жайтқа қатысты түсініктеме алуға тырысқан редакция сауалына әкімдіктің баспасөз қызметі әзірге жауап бере алмайтынын жеткізді.
Айта кетейік, Арман Әбілтаев 2015 жылы қоғамда үлкен резонанс тудырған «Әліби ісі» бойынша кінәлі деп танылып, 12 жылға бас бостандығынан айырылған болатын. Кейін ісі қайта қаралып, жаза мерзімі 8 жылға қысқартылды. Ол кәсіпкер Қайрат Жамалиевпен бірге Әліби Жұмағұловқа аса ауыр дене жарақатын салды деген айыппен сотталған. Ал 2018 жылы Әбілтаев Зеренді аудандық сотына жазаны айыппұлмен алмастыру туралы өтініш білдірген. Сот шешімімен жаза 1 млн теңгеден аса айыппұлға ауыстырылып, бостандыққа шықты.