Франция астанасы Париж қаласында өтіп жатқан Олимпиада ойындарында жүзуден Қазақстан командасының мүшесі Әділбек Мусин Париж Олимпиадасының жартылай финалына өте алмады деп хабарлайды казинформ.кз.
100 метрге баттерфляй әдісімен жүзуден сынға түскен отандасымыз өз тобында бесінші орын алса, жалпы есепте 29-сатыдан көрінді. Ал жартылай финалға жарыс ережесіне сәйкес алғашқы 16 спортшы ғана өтеді.
Айта кетелік, бұл Әділбек Мусиннің соңғы жарыс күні. Осымен қазақстандық атлет Олимпиада ойындарын аяқтады.
Естеріңізге сала кетейік, отандасымыз осыған дейін 100 метрге шалқалай жүзуден мәреге 8-ші болып жетіп, тағы да үздіктер қатарына іліге алмаған еді.
2 тамызда Париж Олимпиадасында қазақстандық спортшылар спорттың 8 түрінен — стендтік ату, академиялық есу, дзюдо, жеңіл атлетика, жүзу, семсерлесу, бокс және батут гимнастикасынан жарыс жолына шығады.