Астана. 16 қыркүйек. BM.KZ – Апелляциялық сот ұсақ бұзақылық ісі бойынша бірінші сатыдағы соттың қаулысын жойды.
Маңғыстау облыстық сотының қылмыстық істер жөніндегі сот алқасы Ақтаудың мамандандырылған әкімшілік құқықбұзушылықтар жөніндегі сотының қала прокуроры Ерболат Әбдіровке қатысты қаулысын апелляциялық тәртіпте қайта қарады.
«Апелляциялық қарау барысында 2025 жылғы 27 тамызда сағат 23:00-де Алматы-Астана бағытындағы КС-955 рейсіне жолаушыларды тасымалдаған автобуста азамат Ә.-нің жолаушыларға қорлап тиіскені және қоғамдық тәртіпті бұзғаны дәлелденді. Оның кінәсі әкімшілік құқықбұзушылық туралы хаттамамен, куәгерлердің айғақтарымен, әуежай және полиция қызметкерлерінің құжаттарымен расталды», – деп жазылған сот қаулысында.
Сот алқасы Әбдіровтің ӘҚБтК-нің 434-бабы 1-бөлігімен көзделген ұсақ бұзақылық жасағанын анықтады.
Нәтижесінде ол әкімшілік құқықбұзушылық жасағаны үшін кінәлі деп танылып, оған 78 640 теңге айыппұл салынды.
Сот қаулысы заңды күшіне енді.