Астана. 28 қазан. BM.KZ – Алматы қалалық орталық клиникалық ауруханасы базасында 1962 жылы туған қайтыс болған донор әйелден көп мүшелі орган алу операциясы сәтті жүргізілді.
Донордың туыстарының ізгі ниеті мен келісімінің арқасында бірден бірнеше адамның өмірін сақтап қалуға мүмкіндік туды:
•жүрек – 1988 жылы туған науқасқа,
•бауыр – 1982 жылы туған науқасқа,
•оң бүйрек – 1996 жылы туған науқасқа,
•сол бүйрек – 1966 жылы туған науқасқа, ол трансплантацияны 2017 жылдың қазан айынан бері күтіп келген,
•көздің қасаң қабығы (роговица) – 1983 және 1956 жылдары туған екі науқасқа салынды.
Бұл күрделі әрі жауапты процесті ҚР Денсаулық сақтау министрлігінің Трансплантация мен жоғары технологиялық медициналық қызметтерді үйлестіру республикалық орталығы Алматының жетекші трансплантациялық клиникаларымен бірлесе ұйымдастырды. Олардың қатарында:
АО «Кардиология және ішкі аурулар ғылыми-зерттеу институты»,
АО «Сызғанов атындағы ұлттық ғылыми хирургия орталығы»
және КГП на ПХВ «Алматы қалалық орталық клиникалық ауруханасы» бар.
Дәрігерлер донордың жасына қарамастан оның ағзаларының жақсы күйде болғанын және толыққанды қызмет ете алатынын атап өтті. Бұл тағы да бір рет адамның жасы өмірді құтқаруға кедергі еместігін дәлелдейді.
Республикалық орталық донордың отбасының ерлікке пара-пар шешімі үшін шынайы алғысын білдіреді. Сондай-ақ осындай күрделі әрі жауапты үдерісті жоғары деңгейде жүзеге асырған барлық медицина қызметкерлеріне зор ризашылық білдіреді.