АҚШ-та айыпталған шетелдік агенттер бас бостандығынан айыратын жаза алады.
2014 жылы Чикагодағы саяси белсенді ханзада Асиэль Бен Исраэль жеті айға бас бостандығынан айырылды. Ол «Зимбабве президенті Роберт Мугабеге қарсы санкцияларды алып тастауды қолдаған» деп айыпталды. Белсенді шетелдік агент ретінде тіркелмеген.
2018 жылы америкалық лоббист Пол Манафорт «FARA-ны бұзу мақсатында сөз байласқаны үшін» 6 жылға бас бостандығынан айырылды. Ол Украинаның бұрынғы президенті Януковичтің агенті ретінде тіркелмегені үшін кінәлі болды.
2018 жылы америкалық саяси кеңесші Сэмюэл Паттен Украинаның «Оппозициялық блок» саяси партиясының мүдделерін қолдағаны үшін, бірақ шетелдік агент ретінде тіркелмегені үшін 3 жылға шартты түрде сотталды.
2019 жылы Ресей азаматы Мария Бутина шетелдік агент ретінде тіркелмей, «Ресей үкіметінің мүддесіне жұмыс істеді» деген айыппен 1,5 жылға бас бостандығынан айырылды.
2019 жылы АҚШ соты бизнесмен Биджа Рафиекянды FARA заңы бойынша қате тіркеліп, түрік билігінің мүддесі үшін жұмыс істегені және уағызшы Фетхуллах Гюленнің отанына қоныс аударуын қолдағаны үшін кінәлі деп тапты.
2020 жылы кәсіпкер Эллиот Бройди FARA заңын бұзғанын мойындап, 6,6 миллион доллар көлемінде айыппұл төлеуге келіскен. Ол Қытай мен Малайзияның мүддесі үшін жұмыс істеген, бірақ шетелдік агент ретінде тіркелмеген деп айыпталды.
2021 жылы америкалық лоббист Имаад Шах Зубери шетелдік агенттер туралы заңды бұзды деген айыппен 12 жылға бас бостандығынан айырылды. Оған Шри-Ланка үкіметінің мүддесін қолдағанын жасырды деген кінә тағылды.
2022 жылы АҚШ-тағы Ресейлік отандастар кеңесінің басшысы Елена Брэнсонға шетелдік агент ретінде тіркелмей, «Ресей саясаты мен идеологиясын насихаттады» деген айып тағылды. Алайда ол 2020 жылы Ресейге ұшып кетіп үлгерген.