Автор: bukebay.dina

Суды үнемді қолдану жаңа заманның ғана емес, жалпы ғаламның ортақ мәселесіне айналып отыр. Елімізде жыл басынан бері алғашқы жартыжылдықта су заңнамасын бұзушылардан шамамен 11,9 млн теңге өндірілген. Айта кетейік, су ресурстары және ирригация министрлігінің бассейндік инспекциялары 6 айда су заңнамасын сақтау бойынша 55 тексеріс жүргізген болса, соның ішінде 103 құқықбұзушылық анықталып, кемшіліктерді жою бойынша 42 нұсқама беріліп отыр. Жалпы сомасы 12,9 млн теңгеге 143 әкімшілік айыппұл салынды, 11,9 млн теңге көлемінде 127 әкімшілік айыппұл өндірілді, 16 әкімшілік іс сотқа берілді. «Министрліктің бассейндік инспекциялары су заңнамасының сақталуын қадағалайды. Құқықбұзушылықтарға қарсы күресті күшейту үшін Су ресурстары және ирригация министрлігінде Су ресурстарын реттеу,…

Бүгінде көліктің сан алуан түрі бар. Біреулер әлі күнге дейін BMW мен Mersedes-тің қуаттылығын салыстырып, сергелдеңге салынса, енді бірі басын ауыртпай, газы мен тежегіш тетігін дұрыс бассаң болды, өзі-ақ басқаруға икемді көлікті таңдайтын болған. Осы тақырып аясында бензинмен басқарылатын көлікке қарағанда ұтымды, тоқпен жүретін темір тұлпардың ерекшеліктеріне тоқталатын боламыз. Қазір әлем уайымдайтын басты мәселелердің бірі – қоршаған ортаның ластануы. Экологияға әсер ететін әртүрлі фактор бар, көлік құралы соның бірі еді. Кейін мұнай бағасы шарықтап, көлік тұтынушыларына қолайсыздық тудырды. Дегенмен бұл мәселе өз шешімін тапқандай болды, себебі технодронды заман жетіліп, қолданысқа электромобиль кеңінен ене бастады. Ең алдымен мұндай көліктердің қалай пайда…

Көлсайға кіру қанша теңге тұрады? Ай басында президент «Қазақстан Республикасының кейбір заңнамалық актілеріне ерекше қорғалатын табиғи аумақтар және электр энергетикасы мәселелері бойынша өзгерістер мен толықтырулар енгізу туралы» заңға қол қойды. Спорт және туризм министрлігі өзгертулер мен толықтыруларға тоқталып, қай салық алынғанын және қандай қызметтер ақылы болатынын нақтылап ұсынды. Спорт және туризм министрлігінің мәліметіне сүйенсек, «Салық және бюджетке төленетін басқа да міндетті төлемдер туралы» кодекске өзгерістер енгізу жобасымен ерекше қорғалатын табиғи аумақтардың сыртқы шекаралары шегінде республикалық және жергілікті маңызы бар ерекше қорғалатын табиғи аумақтарды пайдаланғаны үшін төлемақы алу тәртібін регламенттейтін Салық кодексінің 7-параграфын алып тастау көзделіп отыр. Осы күнге дейін әр адам мемлекеттік табиғи қорықтар,…

Қоқыс өңдеу ақысын алып тастауға қатысты петицияны қоғамдық талқылау барысында экология және табиғи ресурстар вице-министрі Жомарт Әлиев одан жиналған ақшаның қайда жұмсалатынын атап өтті. – Бүгінде ауыл шаруашылығы техникасы мен автобустардың лизингі бойынша жеңілдетілген автонесиелерді қаржыландыруға 160 млрд теңге, ауыл шаруашылығы техникасының жеңілдетілген лизингін қаржыландыруға 20 млрд теңге, жинақтау жобаларын қаржыландыруға 200 млрд теңге бөлінді, – деді вице-министр. Вице-министрдің сөзінше, қалдықтарды сұрыптау, өңдеу, орман шаруашылығы ұйымдарына өрт сөндіру машиналарын және төтенше жағдайлар министрлігі ұйымдарына арнайы техника, автобустар сатып алуға 90 миллиард теңге қарастырылған. Сонымен қатар ауыл шаруашылығы саласындағы көлік құралдарын өндірушілерге қайта өңдеу төлемдерін қайтаруға 215 миллиард теңге бөлініп отыр.…

Үш жыл бұрынғы статистикаға сүйенсек, Балқаш өңірінде құстардың 120 түрі мекендесе, оның 12 түрі Қызыл кітапқа енгізілген. Экология, геология және табиғи ресурстар министрлігі көлдің таяздануынан жағымсыз салдарлар болуы мүмкін екенін тілге тиек еткен. Соның ішінде сулы-батпақты алқаптардың құрғауы және жойылуы, жабайы жануарлардың қоныс аудару жолдарының жойылуы, климаттың өзгеруі, аймақтың флорасы мен фаунасының жоғалуы, бүкіл көл жүйесінің жойылуы, жануарлардың жойылуы мүмкін. Сондай-ақ ауыл шаруашылығын сумен қамтамасыз ету мәселесі ушығуы мүмкін. Айта кету керек, NASA және Сircle of Blue мамандары Балқаш көлі де Аралдың жолымен келе жатқанын айтқан болатын. Судың тартылып бара жатқаны аймақ тұрғындарына 2021 жылдан бастап сезіле бастаған. Caspian Policy…