KAZINFORM — Бүгін Бас прокуратурада су тасқыны жағдайы бойынша барлық мүдделі органдардың жұмылдырылыуымен ведомствоаралық жедел кеңес өтті. Төтенше жағдайлар министрлігінің өкілі ағымдағы жағдайды баяндады.
Су тасқынының жоғары қаупі Ақмола, Ақтөбе, Шығыс Қазақстан, Батыс Қазақстан, Қостанай, сондай-ақ Абай, Ұлытау облыстарына төніп тұр.
«Республикалық және 12 облыстық штаб орналастырылды. Сенім телефоны жұмыс істеп тұр. Тәулік бойы кезекшілік ұйымдастырылды. Жергілікті әкімдіктер, полиция сондай-ақ төтенше жағдайлар органдары су басқан нысандарды сорып алу және хабарламаларды қалпына келтіру бойынша шұғыл жұмыстар жүргізіп жатыр. 94 адам эвакуацияланды. Барлығы 2,5 мың қызметкер мен 693 техника, 288 суды сорып алу қондырғылар жұмылдырылды. Қабылданған шараларға қарамастан, аталған аймақтарда тұрғын үйлерді, аула аумақтарын және жертөлелерді су басқан. Жолды шайып өтудің 7 жағдайы тіркелді», — делінген хабарламада.
Мамандардың айтуынша, ауа райының тұрақсыздығын ескере отырып, соның ішінде нөсерлі жаңбыр, ауа температурасының көтерілуі, алдағы күндері су басу қаупі сақталады. Сондықтан кеңесте гидротехникалық құрылыстардың жай-күйі, елді мекендерді, жолдар мен көпірлерді инженерлік қорғау, тұрғындарды уақтылы эвакуациялауды қамтамасыз ету, эвакуациялау пункттерінің дайындығы, алғашқы медициналық-әлеуметтік көмек көрсету мәселелері де талқыланды. Халықты ескерту жүйелерінің (сиреналар, жергілікті ескерту жүйелері және т. б.) үздіксіз жұмысын қамтамасыз ету қажеттілігіне ерекше назар аударылады. Өз кезегінде полиция органдары тасқынды жою жұмыстары кезінде қауіпсіздік пен құқықтық тәртіпті қамтамасыз етуге бағытталған.
Кеңес қорытындысы бойынша облыс прокурорлары мен уәкілетті мемлекеттік органдарға бірлесіп тұрғындардан түсетін сигналдарға барынша ден қою және су тасқынынан зардап шеккен адамдарға көмек көрсетуге жедел шаралар қабылдау қажеттігі айтылды.