Астана. 12 қыркүйек. BM.KZ — Ішкі сауданы дамыту шараларын іске асыру аясында сауда саласындағы 400-ден астам кәсіпкер мемлекеттік қолдау алды. Бұл туралы Сауда және интеграция министрлігі мәлімдеді.
Жыл басынан бері субсидиялау аясында жалпы несие көлемі 57,5 млрд теңгені құрайтын 418 жобаға қол қойылған. Төленген субсидиялардың жалпы құны 2 788 млн теңге. Сонымен қатар, кепілдендіру құралы бойынша кредит сомасы 8 млрд теңгені құрайтын 103 кепілдік беріліп, мемлекет тарапынан кепілдіктердің көлемі 3,6 млрд теңгені құраған.
Аймақтардағы сауда инфрақұрылымын дамытуға ерекше көңіл бөлініп отыр. Базарларды жаңғыртудың Жол картасы аясында 2025 жылы Өскемен қаласында «Заря», «Заречный» және «Орталық» атты үш базарды жаңарту аяқталады. Оның ішінде «Заря» мен «Заречный» базарлары Сауда және интеграция министрлігінен мемлекеттік қолдау алған.
Сауда министрлігі 2029 жылға қарай сауданың заманауи форматтарының үлесін 70%-ға жеткізуді жоспарлап отыр. Қазір бұл көрсеткіш 41%-ды құрайды. Сауда базарлары да заманауи стандарттарға көшге тиіс, яғни, өрт қауіпсіздігі мен санитарлық-эпидемиологиялық нормаларға сәйкес болуы, төлемкарталары арқылы салық түсімдерінің ашықтығын қамтамасыз етуі, сондай-ақ тұтынушыларға ыңғайлы автотұрақ аймақтарымен жабдықталуы қажет.