Бүгін Әлихан Бөкейхан бабамыздың туған күні. Алаш арысы миллиондаған қазақтың жүрегінде. Жаны жаннатта болсын!
Әлекеңнің айтқан сөздері:
Өзіне-өзі қасқырша шауып отырған жұртта оқу-өнер болмайды.
Тірі болсақ — алдымыз үлкен той. Алаштың баласы бұл жолы болмаса, жақын арада өз тізгіні өзінде бөлек мемлекет болар!
Талас-тартыс жоқ болса — өмір абақтыға айналар еді.
Жапонда кісі қажетіне жаратылмаған алақандай жер жоқ. Онда мұндай ыждаһатты жанкештілік болмаса аштан өлесің.
Әустралия қойының еті төрт ай мұхитта кемемен жүріп келіп, Петербург базарында сатылады. Малы көшіп жүр, адамы қала болып отыр.
Нағыз түрік затты халық тілі – біздің қазақта.
Жанайқай: қазақтың оқыған азаматтары, қазаққа осындайда қызмет етпегенде қашан қызмет етіп пайдамызды тигіземіз?!