Е.Нысанбаев. Утильалымда  «Оператор РОП» монополиясы бітті. 

Экология және табиғи ресурстар министрі Ерлан Нысанбаевтың хабарлауынша, «Оператор РОП» утильалым саласындағы монополиясы толық аяқталды. Бұған дейін халықтың наразылығын тудырған «Оператор РОП» -тың жыры аяқталған сияқты. Бұл зауыттың мүлкі Мемлекеттік мүлік Комитетінің қарамағына берілді. Утилизациямен елдегі 196  компания айналысатын болады. Олардың утильалым бағасына әсері мен жалпы жұмыс алгоритмі туралы министр нақтыламады. Алдағы уақытта білетін боламыз.