Астана. 10 қаңтар. BM.KZ — Иран шах әулетінің мұрагері Реза Пехлеви наразылыққа шыққан ирандықтарды қалалардың орталықтарын басып алуға үндеді.
«Мен бүгін сіздермен өзімнің алғашқы үндеуімді бөлісіп отырмын және осы бейсенбі мен жұма күндері, қаңтардың 18 және 19-ы, кешкі сағат 8-де баршаңызды көшеде болсын немесе үйлеріңізде болсын – ұрандар айтуға шақырамын. Бұл әрекетке берілетін жауапқа қарай, келесі үндеулерді хабарлаймын. Біздің мақсатымыз тек көшеге шығу ғана емес, басты мақсат қалалардың орталықтарын басып алуға және оларды ұстап тұруға дайындалу», – деді ол сенбі күні Х әлеуметтік желісінде жарияланған бейнеүндеуінде.
Сондай-ақ, Пехлеви Иран тұрғындарын, әсіресе экономиканың негізгі салаларында жұмыс істейтін азаматтарды жалпыұлттық ереуілге шығуға шақырды.
Айта кетейік, ақпарат көздеріне қарағанда, Пехлевидің өзі АҚШ-та тұрады. Әкесі 1979 жылғы Ислам революциясы салдарынан Ираннан кетуге мәжбүр болған. Енді ол ел тағдырының шешуші сәтінде отандастарымен бірге болу үшін елге оралғысы келетінін айтады.