«Крокус Сити Холл» кешеніндегі теракт: қазір не белгілі?
Шабуылдан 60-тан астам адам қаза тапты, зардап шеккендердің саны артуы мүмкін, деп хабарлады Ресейдің Тергеу комитеті. Атыс шығарғандар 12 сағат өткенде әлі ұсталмаған.
Олар ақ түсті седан көлігімен жасырынғаны хабарланды. Терактіден кейін екі адам ұсталғаны хабарланған, алайда олардың оқиғаға қатысы бар-жоғы белгісіз. Шабуылдағандар саны бесеу екені айтылған. Ресей Федерациясының Қорғаныс министрлігінің "Звезда" телеарнасы террористердің жеке басы туралы әлі күнге дейін ресми ақпарат жоқ деп хабарлады. Қылмысқа күдіктілер әлі ұсталған жоқ.
Бүгінгі таңғы жағдай бойынша, Мәскеу мен Мәскеу облысының ауруханаларында 115 адам, оның ішінде бес бала жатыр, деп хабарлады губернатор Андрей Воробьев. Ресей президенті Владимир Путин әлі мәлімдеме жасаған жоқ. Ол мәлімдеме жасайды деген аңдатпалар ресейлік баспасөзде жариялана бастаған.
Желіде лаңкестер атыс бастаған сәттің видеосы жарияланды. Онда ер адамдар «Крокус Сити Холл» маңына жақындағанда көліктен түсіп, атысты көшеден бастағанын көруге болады.