Қасым-Жомарт Тоқаевты Президент Тарман Шанмугаратнам қарсы алды. Қазақстан мен Сингапурдың мемлекеттік әнұрандары шырқалып, Құрметті қарауыл бастығы екі елдің басшыларына рапорт берді, деп хабарлайды Ақорданың баспасөз қызметіне сілтеме жасап «BaiMedia».
Қазақстан Президенті құрметті қонақтар кітабына естелік жазба қалдырды. Содан кейін мемлекет басшылары бір-біріне ресми делегациялардың мүшелерін таныстырды.
Рәсім аяқталғаннан кейін Қасым-Жомарт Тоқаев пен Тарман Шанмугаратнам келіссөз өтетін залға өтіп, екі елдің өзара ынтымақтастық, экономикалық әлеуетін арттыру мәселелерін талқылады.