Сонда да өңірде қауіп әлі сейілген жоқ. Облыс орталығы мен Жайық бойында орналасқан Ақжайық, Бөрілі, Бәйтерек және Теректі аудандарына қауіп төніп тұр.
«Қауіп Ресейден келе жатқан Челябі, Орынбор облысынан түсетін жайық өзенінен төніп тұр. Жайық өзенінің бойында тұрған Ириклинск су қоймасы осыдан бірнеше күн бұрын максималды 2170 текше метр су жіберілді. Бүгінде 1520 текше метрге едйін азайды. Бірақ бұл әлі де көп. Салыстырмалы түрде айтсақ, өткен жылы жыл бойы бұл су қоймасынан секундына 15 текше метр аққан. Жол бойындағы Сакмар, Елек, Шыңғырлау өзендері де толды. Жалпы үлкен су облыс аумағына 15-20 сәуірде келеді деп болжанып отыр. Жайық бойындағы елді мекендерге барлық күшімізді салып жатырмыз. Қолдан дамбалар тұрғызып жатырмыз. Бүгінгі күні аталған 4 ауданда және қалада 300 жуық арнайы техника жұмыс істеп жатыр», — деді Батыс Қазақстан облысы әкімінің орынбасары Қалияр Айтмұхамбетов ОКҚ алаңында өткен брифингте.
Оның айтуынша, Жайық өзені бойынша су деңгейі күн сайын артып келеді.