Баспасөз хабарламасы
2024 жылғы 11 маусымда сағат 15.00-де Қазақстанның жасылдар партиясы «Байтақ» кеңсесінде қоғамдық қабылдау өтеді. Өтетін орны: Астана, Аманжолов көшесі, 32/1, 6-пәтер.
Қоғамдық қабылдаудың тақырыбы: «Прокуратура бизнестің жұмысына кедергі келтіріп, кімнің мүддесін қорғайды?»
Қабылдауға министрліктердің, прокуратураның, жергілікті атқарушы органдардың, «Атамекен» ҰКП-ның және БАҚ өкілдері шақырылды.
Қабылдау барысында «КазОйлЭнерджи» ЖШС-нің өтініштері қаралатын болады.
Аккредитация телефоны: 8 747 649 1288
Келуге мүмкіндігі жоқ адамдар ZOOM арқылы қосыла алады.
Сілтеме: https://us06web.zoom.us/j/87232595933?pwd=tMuxTdbhCsgZyckUqf9WW9dHnCgyRr.1
Спикерлер:
— Бекберген Керей – Қазақстанның жасылдар партиясы «Байтақ» орталық аппаратының басшысы.
— Азамат Аяйбергенов – Қазақстанның жасылдар партиясы «Байтақ» жасыл саясат департаментінің директоры.
Қосымша ақпарат:
«КазОйлЭнерджи» ЖШС-гі Түркістан облысы, Кентау қаласында «Кентау байыту фабрикасын қайта құру және өнеркәсіп қалдықтарын қайта өңдеу және кәдеге жарату өндірісін іске қосу» инвестициялық жобасының бастамашысы болып табылады.
Аталған жобаны іске асыру аясында «КазОйлЭнерджи» ЖШС 60 млрд теңгеден астам инвестиция құйып, 1 500 жаңа жұмыс орнын ашуды жоспарлап отыр. Өндірістің іске қосылуы Кентау қаласының моноқала ретінде дамуына оң әсерін тигізіп, өңір экономикасының әртараптандырылуына ықпал етеді. Бүгінгі таңда Түркістан облысына 1 млрд теңгеден астам қаражат құйылды.
2022 жылғы 1 қарашада gosreestr.kz сайтында №261033 «Баялдыр қалдық қоймасын күтіп ұстау және реконструкциялау» сенімгерлік басқаруға беру бойынша электрондық сауда-саттық жарияланды.
2022 жылғы 30 желтоқсандағы № 268320 электрондық сауда-саттық нәтижелері туралы хаттама бойынша жеңімпаз болып «КазОйлЭнерджи» ЖШС анықталды.
2023 жылғы 4 қаңтарда «КазОйлЭнерджи» ЖШС мен Кентау қаласы әкімдігінің «Кентау қаласының экономика және қаржы бөлімі» арасында мемлекеттік мүлікті 10 жыл мерзімге сенімгерлік басқаруға беру туралы №39768-ЭТП келісімшарты жасалды.
2023 жылғы 5 қаңтарда Баялдыр қалдық қоймасын 10 жыл мерзімге сенімгерлік басқаруға беру актісі қабылданды.
2023 жылғы 16 маусымда Кентау қаласының прокуратурасы Кентау қаласының әкіміне конкурс нәтижелері мен жасалған шартты жоюды талап етіп, наразылық енгізді.
«КазОйлЭнерджи» ЖШС аталған наразылыққа шағымданды.
Мұндай талапты сот қараған кезде Түркістан облысының мамандандырылған ауданаралық әкімшілік сотының 2023 жылғы 1 шілдедегі наразылықтың орындалуын тоқтата тұру туралы қамтамасыз ету шаралары туралы қаулысы шығарылды.
Алайда, бұған қарамастан, Кентау қаласының прокуратурасы 2023 жылғы 2 қазанда наразылыққа ұқсас негіздер бойынша шартты жарамсыз деп тану туралы сотқа жүгінді.
Баялдыр қалдық қоймасы – бұл шамамен 150 млн тонна тау-кен өндірісі қалдықтары. СЭС-тің бағалауы бойынша, қайта өңдеу қалдықтары 20-ға дейін реагенттер мен он екі жоғары улы заттарды қамтиды. Миргалим шахтасы жабылғаннан кейін Кентау қаласында қалдық қоймасын ұстау ешкімге жүктелмеді. Бүгінде аздаған жел тұрса, бірнеше елді мекенді улы шаң басып қалады. Соңғы бірнеше жылда аймақ тұрғындарының денсаулығы мен әл-ауқаты күрт төмендегенін жергілікті дәрігерлер айтады.
«КазОйлЭнерджи» ЖШС «Түркістан облысы Кентау қаласындағы Баялдыр қалдық қоймасының шаңдануының алдын алу шаралары» экологиялық және жұмыс жобасын әзірледі.
Қоғамдық тыңдаулар 2023 жылғы 22 қыркүйекте өтті.
Экологиялық жоба табиғатты қорғау үшін үлкен маңызға ие. Кентау қаласында өнеркәсіп қалдықтарын қайта өңдеу және кәдеге жарату экологиялық таза индустрия құру жолындағы қадам болады. Қалдық қоймасын қайта құру және басқару өңірдегі экологиялық жағдайдың қауіпсіздігі мен тұрақтылығын қамтамасыз ету бойынша маңызды шаралар болып табылады.
Баялдыр қалдық қоймасы – бұл баяу жарылатын бомба, ал жер қойнауын пайдаланушылар ұңғымаларды бұрғылау кезінде барлық радиоактивті бөлшектерді сыртқа шығарады.
Анықтама үшін:
Қазақстан Республикасының Президенті Қасым-Жомарт Тоқаев 2023 жылғы желтоқсанда ел экономикасына инвестициялар тарту жөніндегі жұмыстың тиімділігін арттыру шаралары туралы жарлыққа қол қойды.
Еске салайық, өткен жылдың желтоқсан айында Президент Қасым-Жомарт Тоқаев Үкіметті шетелдік инвесторлармен жұмыс үшін сынға алған болатын. Мемлекет басшысы сол кезде іске асыру кезеңіндегі тиімсіз жұмыс салдарынан елдің инвестицияларды жоғалтатынын атап өтті.
Үкіметтің кеңейтілген отырысында сөйлеген сөзінде Қасым-Жомарт Тоқаев Сыртқы істер министрлігі шетелдік инвесторлардың қызығушылығын тарту бойынша жеткілікті тиімді жұмыс жүргізіп жатқанын атап өтті. Алайда, оның айтуынша, проблемалар іске асыру сатысында пайда болады.
Президент сондай-ақ мемлекет Еуроодақ, АҚШ, Қытай, қаржылық қана емес, кең технологиялық құзыреттерге ие басқа да елдерден инвестицияларды сақтап, ұлғайту үшін барлық күш-жігерін жұмсайтынын атап өтті.
Қабылдау кезінде осы жағдай жан-жақты қаралып, барлық мүмкін шаралар қабылданады.