Астана. 30 қыркүйек. BM.KZ – Қазақстан Республикасы Президентінің көмекшісі — Президенттің Баспасөз хатшысы Руслан Желдібай Телеграм-арнасында Қасым-Жомарт Тоқаев пен Дональд Трамптың АҚШ-тағы кездесуінің фотосуретін жариялады.
Алғашқы суретте Қасым-Жомарт Тоқаев пен Дональд Трамп бейнеленген. Екінші суретте олардың қасында АҚШ Президентінің жұбайы Мелания Трамп та бар.
Бұған дейін екі президенттің Бас ассамблеядағы кездесуі туралы хабарланған жоқ.
Президент Тоқаев БҰҰ мінберінде баяндама жасап, америкалық бизнес басшыларымен кездескен болатын. Келіссөздер нәтижесінде бірқатар келісімшарттарға қол қойылды.
Айта кетейік, өткен аптада Мемлекет басшысы Сыртқы істер министрі Мұрат Нұртілеуді және Қазақстанның АҚШ-тағы елшісі Ержан Ашықбаевты қызметінен босатқан еді.