Қазақстандағы ірі 43 кәсіпорын қоршаған ортаға әсерін азайту үшін автоматтандырылған бақылау жүйесін орнатты
Ластаушы заттар шығарындыларының негізгі көлемі Павлодар, Қарағанды, Ақтөбе, Атырау және Шығыс Қазақстан облыстарының аумақтарында қалыптасқан.
➤ Қоршаған ортаға техногендік әсерді азайту үшін ірі кәсіпорындар жыл сайын өз қаражаты есебінен өндірістерді күрделі жөндеу және жаңғыртуды көздейтін табиғатты қорғау іс-шараларының жоспарларын әзірлейді.
➤Тексерулер, сондай-ақ экологиялық рұқсат беру кезінде талаптардың орындалуы бақыланады.
«1-ші санаттағы нысандар үшін онлайн режимде қоршаған ортаға әсерді бақылауға және кәсіпорынның өзіне де, экологиялық инспекцияға да жедел ден қоюға мүмкіндік беретін автоматтандырылған бақылау жүйесін енгізу міндеттеледі. Бүгінгі таңда міндеттелген 91 ұйымның 43-і АБЖ құрды, 9 кәсіпорын Министрліктің ақпараттық жүйесіне қосылып, ақпарат беруде. Сондай-ақ 2020 жылы өңірлердің экологиялық жағдайын жақсарту үшін экологиялық мәселелерді шешу бойынша 18 жол картасы әзірленіп, бекітілді. Қарастырылған 532 іс-шараның 204-і орындалды. Жол карталарының уақтылы және сапалы орындалуы ерекше бақылауда», — деді министр.