Түркістан облысының бірнеше ауданы мен ауылдары судан улануы мүмкін. Облыс тұрғындары осылай дабыл қағып отыр. Атап айтақанда Түркістан қаласының бір бөлігі, Сауран ауданына қарасты 4 ауыл мен Кентау қаласы және оның маңындағы тағы 4 елді-мекен тұрғындарының денсаулығына қауіп төніп тұр. Кентау қалалық мәслихатының депутаты Самат Сәденовтың сөзінше аталған елді-мекендер шахтаның суын ауызсу ретінде пайдаланады. Оның жанында шетелдік компания алтын өндірісімен айналысып отыр. Және химиялық қалдықтарды су шахтасының жанына төгеді. Нәтижесінде судың дәмі бұзылып, соңғы 2 аптада бірнеше адам ауруханаға түскен. Қоғам белсендісі Бахтияр Жаңабаев та бұл мәселені бірнеше жылдан бері көтеріп келеді. Айтуларынша қытайлық компания 2 рет сотта жеңіліп, химиялық қалдықтарды басқа жерге төгуге міндеттелген. Бірақ сот үкіміне бағынғылары келмейді, заңның да тісі батпай тұр. Керісінше әкімдік оларға қосымша жер телімдерін беріп, алтын өндіру жұмысын үдерткен. Осылайша, халық пен шетелдік компанияның күресіп жүргеніне 7 жылдан асқан. Алайда еш нәтиже жоқ. Депутат Самат Сәденов суды тексеру бойынша уақытша комиссия құрып, оның сынамасын тәуелсіз зертханада тексертуді жоспарлап отыр.
Трендте
- Аламан бәйгеде қазақ жүйрігі «Айқабақ» бірінші боп келді
- Ұлттық қордан балаларға аударылған қаржының қайда кетті?
- Чемпион атанған қазақ көкпаршылары қанша сыйақы алады?
- Қызылорда облысында 15 қылмыстық топ ұсталды
- Көшпенділер ойынының жабылу рәсімі көрерменсіз өтеді
- Алматыда күзетшіні таптап өлтірген ер адамға қатысты тергеу тоқтатылды
- Ұлттық құрама көкбөріден финалға шықты
- Жамбы ату жеңімпаздарына пәтер сыйлана ма?