Алматы облысының прокуратурасы Ворошилов су қоймасының жарылуына байланысты қылмыстық іс қозғады . 30 наурызда облыстағы Ворошилов су қоймасының бөгеті бұзылып, салдарынан 12 мыңнан астам адам тұратын екі елді мекенді су басу қаупі төнді. Прокуратура осыған қатысты «Салғырттық» (371-бап) бабымен қылмыстық іс қозғады. Тергеуді сыбайлас жемқорлыққа қарсы іс-қимыл агенттігінің Алматы облысы бойынша департаменті жүргізеді. Прокуратураның хабарлауынша, су қоймасы 2017 жылы «Л. Петрова» деген жеке кәсіпкерге сенімгерлік басқаруға берілген. Жалпы елімізде бірқатар су қоймалары сенімгерлікпен жекеге берілген. Мемлекеттік қауіпсіздіктің бір тармағы саналатын су қоймаларын не себепті жекенің қолына берді? Нәтижесін көріп отырмыз. Мемлекет бұл мәселені тікелей бақылауына алып, барлық су қоймаларын жекенің қолынан мемлекеттің қолына қайтару керек. Бір ғана сәтте бір ауыл, қаланы басып тастайтын алапат күшіт су тасқындарын ұстап қалатын маңызды обьектілердің ұстағанның қолында, тістегеннің аузында кетуі заңсыздық. Жекеге алғандар су қоймаларына қандай жөндеу жұмыстарын жүргізді? Қандай құрылғылар сатып алды. Оны үнемі сақтап тұру шараларын қолданды ма? Сұрақ көп. Жауап жоқ.
Baimedia.kz