Астана. 6 қараша. BM.KZ — Түркістан облысы, Түлкібас ауданында атыс орын алып, 3 адам жараланды. Олардың екеуі аяғынан жарқат алған. Бірінің денесіне бірнеше жерден оқ тиген. Ал, бір адамның жүрегіне оқ тиіп, ажал құшты. Оларға белгісіз азаматтар қаннен-қаперсіз уақытта оқ жаудырған. Қазіргі таңда, екі жәбірленуші ауруханада жатыр.
«Стационарлық емге түскен науқастың санына, балтырына, табан сүйектеріне оқ жарақаты тиген. Ал, екінші науқастың тек табан сүйегінде жарақаты бар. Қазіргі таңда, науқастардың жағдайы тұрақты. Емі хатамаға сәйкес тазаланып, алынды. Тиісті ем қабылдап жатыр. Жағдайлары тұрақты»,-деді Түлкібас аудандық ауруханасы бас дәрігерінің орынбасары. Жансұлу Ақылбаева.
Ауыл тұрғындары жағымсыз жағдайдан шошынып қалған. Үрейленгені соншалық беймезгіл уақытта еркін жүре алмай қалдық дейді тұрғындар.
« Түнгі 10 мен 11-дің ортасы-ау деп ойлаймын. Түнгі уақыт. Мен тұрғанмын. Бір жігіт жүгіріп келді. Мына бұрыштан. Үстінің бәрі көрінбейді. Маска киген. Сомен ата бастады. Бір қарағанда салют екен деп қалдым. 5-6 рет атылды. Бұлар айқайлаған соң жігіт мына бұрыштан жүгіріп өтіп кетті. Сосын машинаның даусы естілді. Бар білерім осы. Олар айқайлады, бір жігіт жүгіріп келді. Бинт сұрады. Бердім. Дірілдеп өз өзіме келе алмай тұрған кезде олар уже кетіп қалды»,- деді Түлкібас ауданының тұрғыны Динара Бейсембаева.
Десе де, аудан аумағын құзырлы орган өкілдері бақылауға алып, арнайы күзет қойған. Полицейлер, күдіктілердің жеке басы анықталғанын жеткізді. Қазіргі таңда оқиғаға қатысты, кісі өлтіру бабымен іс қозғалып, тергеу амалдары жүргізіліп жатыр.
«Оқиға орнына аудандық полиция бөлімінің басшылығы мен жедел-тергеу тобы дереу шықты. Іс-шаралар барысында аз уақыт ішінде күдіктілердің жеке басы анықталды. Олардың бірі ұсталып, қамауға алынды. Осы факті бойынша «Адам өлтіру» бабымен қылмыстық іс қозғалды. Болған оқиғаның барлық мән-жайларын және екінші қатысушының орналасқан жерін анықтауға бағытталған қажетті тергеу әрекеттері жүргізілуде»,- деді Бауыржан Зиятаев, Түркістан облыстық ПД басшысының орынбасары.
Айта кетейік, жарақат алған бір азамат және оқиға орнында жан тәсілім еткен марқұм кәмелет жасына толмағандар.
Естеріңізге сала кетейік, қанды оқиға Көктерек ауылында 3 қарашаға қараған түні орын алған.