Мәжіліске Түрікменстанның Қазақстандағы Төтенше және Өкілетті Елшісі Батыр Режепов келді. Депутаттар Бақтықожа Ізмұхамбетов пен Мархабат Жайымбетов дипломатпен кездесіп, парламентаралық ынтымақтастықты дамыту перспективаларын талқылады.
Түрікменстанмен парламентаралық достық тобының жетекшісі Бақтықожа Ізмұхамбетов Орталық Азия елдерінің парламентаралық форумын кеңейтілген құрамда өткізу бастамасын қолдайтынын жеткізді. Мұндай форум алғаш рет 2022 жылы мамырда Ашхабадта өткен болатын.
Өз кезегінде Елші Батыр Режепов қазақ-түрікмен парламентаралық байланысын жандандыру елдер арасындағы саяси-дипломатиялық, сауда-экономикалық, мәдени-гуманитарлық, сондай-ақ бауырластық қарым-қатынастарды нығайтуға ықпал ететінін атап өтті.
Тараптар XXI ғасырда Орталық Азияны дамыту мақсатымен Достық, тату көрші және ынтымақтастық туралы шартқа қол қою рәсімін аяқтау үшін күш-жігерді біріктіруге келісті.
Трендте
- Әкімдерге құлаққағыс: Тоқаев Қарағанды облысының әкіміне сөгіс берді
- Қазақстанның мемлекеттік қарызы өсіп барады
- Тарихи нәтиже! Жеті боксшымыз әлем чемпионатының финалына шықты
- Түркістанда құны 146,8 млрд теңге болатын мақта өңдеу кешені салынады
- Алматыда «Медеуге» апаратын жол 14 жылда алғаш рет жөнделді
- Қытайлық компания еліміздің ауыл шаруашылығына 350 млн доллар инвестиция салады
- Қазақстан ғарышқа өз зымыранын ұшырады
- Маңғыстау облысына бөлінетін автогаз көлемі ұлғайтылды
