Мәжіліске Түрікменстанның Қазақстандағы Төтенше және Өкілетті Елшісі Батыр Режепов келді. Депутаттар Бақтықожа Ізмұхамбетов пен Мархабат Жайымбетов дипломатпен кездесіп, парламентаралық ынтымақтастықты дамыту перспективаларын талқылады.
Түрікменстанмен парламентаралық достық тобының жетекшісі Бақтықожа Ізмұхамбетов Орталық Азия елдерінің парламентаралық форумын кеңейтілген құрамда өткізу бастамасын қолдайтынын жеткізді. Мұндай форум алғаш рет 2022 жылы мамырда Ашхабадта өткен болатын.
Өз кезегінде Елші Батыр Режепов қазақ-түрікмен парламентаралық байланысын жандандыру елдер арасындағы саяси-дипломатиялық, сауда-экономикалық, мәдени-гуманитарлық, сондай-ақ бауырластық қарым-қатынастарды нығайтуға ықпал ететінін атап өтті.
Тараптар XXI ғасырда Орталық Азияны дамыту мақсатымен Достық, тату көрші және ынтымақтастық туралы шартқа қол қою рәсімін аяқтау үшін күш-жігерді біріктіруге келісті.
Трендте
- 403 мың адамға АӘК берілді
- Министр: Мектеп асханалары тексеріледі
- Ұлыбритания Ресей әскерінің шығынын 700 000 адам деп бағалауда
- Жаңа жылда Қазақстанда тарихи оқиға орын алады
- 18 жасқа толғанда балалардың есепшотында 8-11 миллион теңгеге дейін жиналады – Асхат Аймағамбетов
- Алматы облысында 56 мұғалім жарты жылдан астам уақыт жалақы алмаған
- Экс-әкім сотталса да, 9 ай бостандықта жүрген
- Бірыңғай уақыт белдеуі үшін екі қазақстандық үкіметті сотқа берген
