Бұл күндері Солтүстік Қазақстан облысында Есіл өзені арнасынан асып, аймақты қатты су басқан. СҚО әкімі Ғауез Нұрмұхамбетов Заречный кентін қайықпен аралап шыққан, деп жазады baimedia.kz.
Әкімдік «бұл ауылды жыл сайын су басады» деген мәлімет ұсынып отыр. Әрі жағдай тұрақты дейді.
«Мәселенің жүйелі сипатқа ие екенін түсіне отырып, тұрғындарды қауіпсіз жерге көшіру туралы шешім қабылданғаны белгілі. Қазір екі көпқабатты үйдің құрылысы басталды, бұл үйлерге Заречныйдан көшетін отбасылар қоныстанады. Жыл соңына дейін халыққа жаңа үйлердің кілті беріледі», — дейді СҚО әкімі.
Қазір аймаққа жақын қалалар мен облыстардан құтқарушылар барып, бөгет орнатып жатыр.