Байтақтықтар су тасқынынан зардап шеккен тұрғындармен кездесті

Соңғы бірнеше күн бойы еліміздің көптеген өңірлерінде су тасқыны болып тұрғындардың зардап шегіп жатқаны белгілі. Төтенше жағдайлар министрлігі мен жергілікті әкімдер жұмыс жасап жатыр. Дегенмен тұрғындарға келтірілген зардаптың көлемі мен көрсетілетін жәрдемақы көлемі әлі анықталған жоқ. Бүгін Премьер-министр Олжас Бектенов шұғыл тапсырмалар берді. Қазіргі таңда вице-премьер Роман Скляр Ақтөбе өңірінде жүр. Су тасқынынан зардап шеккен аймақтардың тұрғындарына жәрдем беру жұмысы жалғасуда. «Байтақ» жасылдар партиясының төрағасы, саясаткер Азаматхан Әміртаев Астанаға іргелес орналасқан Қоянды ауылына барып тұрғындармен кездесті. Сонымен қатар «Байтақ» жасылдар партиясында колл-орталық ашылып, штаб құрылды. Партияның атқарушысы хатшысы Нұрлан Көптілеутегі Қостанай облысына аттанса, барлық партияның филиал басшылары өз өңірлерінде жұмыс жасауда. Партияның баспасөз қызметінің хабарлауынша, «Байтақ» жасылдар партиясының төрағасы Азаматхан Әміртаев су тасқынынан зардап шеккен өңірлерге көмек көрсетуге әзір екенін мәлімдеді.