Астана. 11 тамыз. BM.KZ – Қазақстан қаржыгерлер қауымдастығының тамыздағы сауалнамасы бойынша, доллар бағамы бір жылдан кейін 573 теңгеге жетуі мүмкін. Бұл көрсеткіш алдыңғы болжамдағы 548,5 теңгеден жоғары.
Сарапшылар мұндай өзгерісті валюта нарығындағы тұрақсыздықпен, сауда балансының профицитінің төмендеуімен, ішкі сұраныстың артуымен және шикізат бағасының құбылмалы болуымен байланыстырады. Сондай-ақ, жылдық инфляциялық күтулердің 10,4%-дан 11,3%-ға өсуі де алаңдатып отыр.
Мамандардың айтуынша, бұл факторлар Ұлттық банкті қатаң ақша-несие саясатын сақтауға итермелеуі мүмкін. Базалық мөлшерлеме бойынша бір жылдық болжам 15,25%-ға көтерілді. Ал Brent маркалы мұнайдың бір жылдағы болжамдық бағасы қазіргі 67 доллар деңгейінен 66,5 долларға төмендеуі ықтимал.