Астана. 17 ақпан. BM.KZ — АҚШ-тың Род-Айленд штатындағы жоғары мектепте өткен хоккей ойыны кезінде атыс болып, екі адам қаза тапты. Тағы үш адам жарақат алған. Бұл туралы NBC News хабарлады.
Жараланған үш адам ауруханаға жеткізілген, олардың жағдайы ауыр деп бағалануда.
Күдікті ретінде 56 жастағы Роберт Дорган аталды. Алдын ала мәлімет бойынша, ол спорт залында жалғыз болған және туысы қатысқан хоккей матчын көруге келген. Ер адам оқиға орнында көз жұмған. Болжам бойынша, ол өзіне оқ атып, қаза тапқан болуы мүмкін.
Қазіргі уақытта полиция атушы мен жәбірленушілер арасындағы байланысты анықтап жатыр. Тергеу нұсқаларының біріне сәйкес, шабуыл мақсатты түрде жасалуы ықтимал, себебі қаза тапқандар күдіктіні таныған.