Автор: asylbek

 Қазақстан мен Қытай арасындағы өткізу пункттері 21-23 наурыз аралығында жабылады Бұл күндері елімізде Наурыз мейрамы тойланатындықтан, шекарадан азаматтар, автокөліктер мен тауарлар өткізілмейді. Бірақ шекарадағы теміржол өткізу пункттері штаттық режимде жұмысын жалғастырады, деп хабарлады қаржы министрлігі.

Балаларға ораза ұстауға бола ма? Бұл сұраққа денсаулық сақтау министрі де жауап берді Министрдің айтуынша, баланың денесі метаболизмнің жоғарылауына байланысты тез өседі және энергия шығыны өте жоғары. Сондықтан, берген энергияны дер кезінде толықтырып отыруы керек. «Баланың денсаулығы мен оның болашақта тұлға болып қалыптасуына уақытылы, сапалы, теңгерімді тамақтану өте маңызды. Балаларына ораза ұстауға рұқсат беруді әрбір ата-ана өзі шешеді. Бұл жағдайда баланың жасы маңызды. Ол 16-17 жасқа дейін толыққанды тамақтануы керек, яғни, барлық мүшелері толық қалыптасқанша», – деді Ақмарал Әлназарова.

Денсаулық сақтау вице-министрі Тимур Сұлтанғазиев дәрігерге тікелей жүгіну үшін не істеу керегін айтты. Айтуынша, әр емхананың онлайн жазылуға болатын өз жүйесі, ақпараттық қосымшалары, түрлі медициналық ақпараттық жүйелері бар. Сол арқылы, тіркеу бөлімі арқылы жазылуға болады. «Мысалы, тіс ауырса, тіс дәрігеріне бару үшін жалпы тәжірибе дәрігеріне немесе дәрігерге барып жолдама алудың қажеті болмайды. Сіз тіс дәрігеріне тікелей бара аласыз. Мысалы, егер жарақаттанып қалса медициналық көмек алу үшін дереу травматологқа баруға болады. Яғни мұндай объективті жағдайларда ғана жалпы тәжірибелік дәрігердің жолдамасынсыз бейінді маманға баруға рұқсат етіледі», – деді вице-министр.

Бүгін Мемлекет басшысы Қасым-Жомарт Тоқаев еліміздің креативті индустрия өкілдерімен кездесті Президентке музыка, әлеуметтік желі, киноиндустрия, жасанды интеллект және киберспорт салаларында табысқа жеткен отандық жобалар таныстырылды.

KAZINFORM — Денсаулық сақтау министрі Ақмарал Әлназарова елімізде МӘМС жарнасын төлеуде болатын өзгерістерге түсінік берді. «Адам 100 мың теңге немесе 150 мың теңге және 850 мың теңгеге дейін жалақы алса, бұл сомадан 2 пайызы ұсталып келеді. Егер адам 850 мың теңгеден жоғары, айталық 1,5 миллион теңге жалақы алса, сақтандыру мөлшерлемесі аясында тек 850 мың теңгеге ғана жарна тиісті деңгейде төленіп жатыр. Енді әркім жалақысының мөлшеріне қарамастан 2 пайыз төлейтін болады», — деді Ақмарал Әлназарова Парламент Мәжілісінде тілшілер сұрағына жауап бере отырып. Осы орайда министр ведомство бұл бастаманы жүзеге асыруды жоспарлап отырғанын айтты. Атап айтқанда, пайыздың шамада табысы төмен адамдар ауқатты азаматтардан…

Наурыз айындағы ҰБТ басталғаннан бері 59 мыңнан астам адам тест тапсырды. Оның ішінде талапкерлердің 71,49%-ы қазақ тілінде, 29,39%-ы орыс тілінде, 70 адам ағылшын тілінде тестілеуден өтті, деп хабарлайды ҚР Ғылым және жоғары білім министрлігі. ҰБТ басталғалы шекті балды 69,26%-ға жуық талапкер жинады. Орташа балға келетін болсақ, ол 65,08 балды құрады. Ең жоғары балл – 137. Тестке қатысушылардың басым бөлігі «Математика-Физика» 17,38% және «Биология-Химия» комбинациясын 15,91%-дан тапсырды. Сондай-ақ, топ-3 қатарына талапкерлердің 11,75% таңдаған «Математика-Информатика» комбинациясы кірді.  Ең аз таңдалған комбинация – «Химия-Физика», оны 76 адам тапсырған. Бүгінгі таңда 81 ереже бұзушылық анықталған. Оның ішінде 50 талапкер смартфон, шпаргалка және басқа да…

Қазақстан Республикасының Премьер-Министрі Олжас Бектенов «Шелл плс» концернінің атқарушы вице-президенті Питер Костелломен кездесті, онда мұнай-газ саласындағы бірлескен жобалардың іске асырылу барысы қаралды, деп хабарлайды Primeminister.kz. Қарашығанақты кеңейту жобасы бойынша мұнай мен конденсат өндіруді жылына кемінде 11 млн тонна деңгейінде ұстап тұру – басым міндеттердің бірі. Осы мақсатта тараптар шикі газды кері айдаудың қосымша компрессорларын уақытылы іске қосуды қамтамасыз етеді. Сонымен қатар жобаның толыққанды қызметін қамтамасыз ету мақсатында акционерлердің есебінен Қарашығанақтағы қуаттылығы жылына 4 млрд текше метр газ өңдеу зауытын салу мәселесі қарастырылуда. Қашаған кен орнының тұрақты жұмысына ерекше назар аударылды. Өткен жылы мұнай өндіру 18,77 млн тонна, газ өндіру 11,86…

Мәжіліс депутаты Ринат Зайытов ішімдікке тәуелді науқастарды емдеу жүйесін қайта қарастыру керек екенін айтты, деп хабарлайды EL.kz ақпарат агенттігі. Мәжілістің Әлеуметтік-мәдени даму комитетінің отырысында депутат Ринат Зайытов денсаулық сақтау министрі Ақмарал Әлназароваға «Араққа тәуелді адамды коньякпен емдеуге бола ма?» деп сұрақ қойды. Министр депутаттың сұрағы «Метадон» туралы екендігін нақтылады. Сонымен қатар, министр бұл науқас басқа наркотикті іздегенде үлкен қылмысқа барып жатса оның алдын алу үшін халықаралық тәжірибе ретінде енгізілгенін атап өтті. Онда дөңгелек үстелді өткізуді сұраймын. Себебі, бізге де шағымданып жатқан мамандар бар. Сіздің ведомствадағы Дудник мырзаға ештеңені дәлелдеп болмайсы. Ол кісі өзінің позициясынан айнымайды. Бір нашаға тәуелді адамды екінші түрімен емдейміз…

0:06 БАҚ: Пәкістан мен “Талибан” арасында қарулы қақтығыс басталды. Пәкістан ұшақтары Ауғанстан аумағына кіріп, бірнеше нысанды бомбалап, онға жуық адам қаза тапты. “Талибан” жауап ретінде Пәкістан аумағын артиллерия және минометпен атқылауда. Ауғанстан-Пәкістан шекарасында атыс болуда.

Әлеуметтік медициналық сақтандыру жүйесіне жарналарды төлеуде әділдікке қол жеткізу мақсатында салық төлеушілердің барлық топтары бірдей тиімді мөлшерлемелер бойынша жарналарды төлейтін нақты жалпақ шкалаға көшу ұсынылады. Табысы төмен адамдар ауқатты азаматтардан артық төлемеуі керек, деп атап өтті Денсаулық сақтау министрлігі. Ұсынылған шаралардың нәтижесінде халықтың қалта немесе жеке шығыстарының төмендеуі, сақтандырылған азаматтардың алдын ала төленген сапалы медициналық көмек алу құқықтарын қорғау күтілуде. Сондай-ақ, бұл жаңалық медициналық ұйымдардың қаржылық тұрақтылығы және денсаулық сақтауды қаржыландырудың сақтандыру моделіне көшу мәселелерін біртіндеп шешуге мүмкіндік береді.