Автор: shynggys

Бүкіл әлемдегі мұсылман қауымы үшін маңызы зор қасиетті Рамазан айының басталуымен құттықтаймыз. Осы күндерде адамдар бір-бірін шынайы және жылы сөздерімен, мейірімді әрекеттерімен қолдайды. Бұл – жаңару және өзара түсіністік уақыты. Жаңа мүмкіндіктердің ашылуын, уақтылы әрі қажетті шешімдердің пайда болуын тілейміз! Бұл мереке жанды бақыт пен сүйіспеншілікке бөлеп, әр отбасында қуаныш пен үйлесімділік орнатсын. Ораза қабыл болсын!

Астана уақыты бойынша 10 наурыз күні таңертең UFC 299 турнирінде қазақстандық файтер Асу Алмабаев (18-2) мен америкалық Си Джей Вергара (12-4-1) арасында жекпе-жек өтті, деп хабарлайды Prosports.kz. Жеңіл салмақта бақ сынап жүрген қазақ спортшысы үш раундтық шайқаста төрешілер шешімімен жеңіске жетті. Жекпе-жектің басынан аяғына дейін Асу қарсыласына мүмкіндік бермей, тік аяқты төбелесте де, партерде де Вергарадан басым болды. Осылайша, 30 жастағы Жамбыл облысының тумасы әлемнің үздік ұйымындағы екінші жеңісіне қол жеткізді. Мансабындағы он тоғызыншы ұтысын тіркеді. Соңғы рет қарсыласқа 2017 жылы есе жіберген болатын. Prosports.kz

Президент Қасым-Жомарт Тоқаев 11-12 наурыз күндері Әзербайжан Республикасына мемлекеттік сапармен барады Сапар аясында Мемлекет басшысы Әзербайжан Президенті Ильхам Әлиевпен келіссөз жүргізіп, Қазақстан мен Әзербайжанның Жоғары мемлекетаралық кеңесінің алғашқы отырысына қатысады.

Бүгін көрнекті жазушы Бекежан Тілегеновтың туғанына 90 жыл. Қаламгер «Лениншіл жас» газетінің редакциясында жұмыс істеді. 1975 жылы «Жұлдыз» журналының бас редакторы, Қазақстан Жазушылар одағы басқармасының хатшысы болды. Бекежан Исағалиұлының алғашқы кітабы — «Таң нұры» әңгімелер жинағы 1965 жылы жарияланды. Кейін «Көктемде ызғарлы», «Көктем қайталанады ма?», «Ақ қайнар» және «Уақыт» романдары, «Олар жазда кездесті» повесі және тағы басқа шығармалары жарық көрді. Жазушы Х. Назиридің «Көкарал шамдары» повесін, Д. Сивцев-Омоллонның әңгімелер жинағын қазақ тіліне аударды.

Футболдан Қазақстан ұлттық құрамасы Біріккен Араб Әмірлігінде оқу-жаттығу жиынын бастады, деп хабарлайды Prosports.kz тілшісі ҚазАқпаратқа сілтеме жасап. Ел құрамасы онда Ұлттар лигасы плей-офф сатысындағы қарсыласы Грекиямен ойынға қарсы кездесуге дайындалады. Футболшылар Алматыдан БАӘ-нің Дубай қаласына жеткен. Ұлттық құрамаға шақырту алған ойыншылардың басым бөлігі жиналды. Енді Түркия мен Ресей чемпионатында ойнайтын Абат Айымбетов, Бақтиер Зайнутдинов, Нұралы Әліп және Александр Зуев қатарға кейін қосылады. Айта кетейік, Біріккен Араб Әмірліктерінде өтетін оқу-жаттығу жиыны 19 наурызға дейін созылады. Жиын аясында 14 наурыз күні Түрікменстан құрамасымен жабық жолдастық ойын өтеді.

Қазақстанның бірінші ракеткасы Елена Рыбакина Индиан-Уэллс WTA 1000 турниріне қатысудан неге бас тартқанын түсіндірді. Бұл туралы Stan.kz ақпарат агенттігі хабарлайды. «Биыл денсаулық мәселесіне байланысты Индиан-Уэллс турниріне қатыса алмайтынымды үлкен өкінішпен хабарлаймын. Жақын адамдарым бұл жарыстың мен үшін қаншалықты маңызы зор екендігін, былтырғы чемпиондық атағымды қорғағым келгенін біледі. Мені қолдауға келген барлық жанкүйерлеріме ризашылығымды білдіремін. Олардың биыл менің ойынымды көре алмайтыны өкінішті. Енді мен кортқа қайта оралу үшін демалып, қалпыма келемін», – деді Рыбакина. stan.kz

Головкин қызметіндегі алғашқы сапарымен Италияға барды Қазақстан Ұлттық Олимпиада комитетінің президенті Геннадий Головкин бокстан лицензиялық турнир өтіп жатқан Бусто-Арсициоға (Италия) ресми сапармен барды. Лицензиялық турнирде 2024 жылғы Олимпиада ойындарына барлық салмақта жолдама сарапқа салынады. Турнирге ерлер де, әйелдер де қатысып жатыр. ҰОК басшысы өзінің сапарымен шешуші жекпе-жек кезінде қазақстандық боксшыларды қолдайды. Бұл — Геннадий Головкиннің ҚР ҰОК президенті лауазымына сайланғаннан кейінгі алғашқы ресми сапары . t.me/kaznurkz

Алматы әкімінің орынбасары Арман Қырықбаев жаңа қызметке тағайындалды «Мемлекет басшысының өкімімен Арман Оразбайұлы Қырықбаев Қазақстан Республикасы Президенті Әкімшілігінің Коммуникациялар бөлімінің меңгерушісі лауазымына тағайындалды», — делінген өкімде. Арман Қырықбаев 1976 жылы 20 қазанда Целиноград (қазіргі Астана) қаласында дүниеге келген. Қазақ мемлекеттік басқару академиясының, сондай-ақ Қазақстан Республикасы Сыртқы істер министрлігінің Дипломатиялық Академиясының түлегі. Мамандығы бойынша халықаралық экономист. Мемлекеттік қызметте, мәдениет және жастар саясаты саласында 25 жылдан астам жалпы еңбек өтілі бар. Бұған дейін Қырықбаев Алматы әкімінің орынбасары қызметін атқарған. Қала әкімінің орынбасары қызметінде ол 2022 жылғы 12 ақпаннан бері болған. Мамандығы — халықаралық экономист. Қазақстанның Өзбекстандағы елшілігінде, Сыртқы істер министрлігінде жұмыс істеген.…

Куәгерлердің сөзінше, Джала көшесіндегі Шати босқындар лагерінде гуманитарлық көмек күткен тұрғындардың үстіне үлкен жәшіктер түскен. Салдарынан кем дегенде 5 адам көз жұмып, тағы бірнешеуі жарақат алды. Египет, БАӘ, Иордания, Катар, Оман мен Бахрейн әуе арқылы көмек жеткізу бойынша бірлескен операция жүргізіп жатыр. Бұған дейін ұшақтан тасталған көмектің бір бөлігі теңізге түсіп кеткен еді. Кейбірі гуманитарлық көмекке жету үшін шағын қайықтарды қолданса, кейбірі өздері жүзіп жетпек болған. БҰҰ мен өзге де ұйымдар Газада атысты тоқтатып, гуманитарлық көмекті көбейтуге шақырған. Себебі аймақты аштық жайлап, ауру көбейді. 7 қазаннан бері Газа секторында Израиль шабуылынан 30 800 палестиналық көз жұмды. Оның ішінде 13 430…

Абай облысында жер сілкінісі болды Бүгін таңертең Зайсан көлінің маңында Абай облысында жер сілкінісі болды. Магнитудасы 4.1 болатын орташа жер сілкінісі Семейден 120 шақырым жерде болды, деп хабарлайды Volcano Discovery порталы. Эпицентрі 10 км тереңде болды. Жойқын салдары жоқ. t.me/kaznurkz