Автор: shynggys

Мемлекет басшысы «ҚТЖ» ҰК» АҚ Инновациялық орталығына барды Жиын барысында Президент Қасым-Жомарт Тоқаев Сиань қаласындағы көлік-логистика орталығының ашылу рәсіміне телекөпір арқылы қатысты. Мемлекет басшысы аталған сала мен жалпы Қазақстан-Қытай қатынастары үшін көлік-логистика орталығын ашудың маңызды екенін атап өтіп, нысанды іске қосты. Бұған дейін Қасым-Жомарт Тоқаев пен Си Цзиньпин Қытайдың Шэньси қаласын Қазақстанмен, Орталық Азиямен және одан әрі Еуропамен байланыстыратын Сиань құрғақ портында логистика орталығын салу жөнінде уағдаласқан болатын. Сиань – Қытайдың тораптық транзиттік орталығы және ең ірі құрғақ порт орналасқан қаласы. ҚХР мен Еуропа Одағы арасына қатынайтын контейнерлік пойыздардың 40 пайызына жуығы осы жерден жөнелтіледі. t.me/aqorda_resmi

Үкімет отырысында денсаулық сақтау министрі Ақмарал Әлназарова «Ауылда денсаулық сақтауды жаңғырту» ұлттық жобасының басты міндеттері туралы баяндады «Бірінші міндет – ауылдық елді мекендерді медициналық-санитариялық алғашқы көмек ұйымдарымен қамтамасыз ету. Бұл 655 МСАК нысаны. Екінші – ауыл халқына шұғыл медициналық көмек көрсетудің қолжетімділігін арттыру. Үшінші – ауылдық денсаулық сақтау нысандарын медицина кадрларымен қамтамасыз ету. 1100 медицина қызметкерін даярлау жоспарланып отыр».

Ұлттық банк жанынан алаяқтық операцияларға қарсы орталық құрылады Ұлттық банк жанынан алаяқтыққа қарсы орталық құрылады. Ол жалған транзакцияларды бақылауға және болдырмауға, ақша аударымдары мен алаяқтардан түсетін қоңырауларды қадағалауға жауапты болады. Бұл қазақстандықтарға қарсы жасалатын алаяқтық схемалармен күресуге мүмкіндік береді. Сондай-ақ денсаулық сақтау саласындағы ақпараттық жүйелердің бірыңғай платформасы іске асырылады. Енді жеке компаниялар азаматтардың деректерін сақтамайды, жұмыс кезінде олар мемлекеттік деректер базасына жүгінеді. https://t.me/mazhilis_kz

Сенат Төрағасы Мәулен Әшімбаевтың қатысуымен «Ұлттық мүдде» диалог алаңының «Заманауи ұлттық мектеп – жаңа қоғам қалыптастыру жолы» тақырыбына арналған отырысы өтті. Іс-шара барысында білім беру, мәдениет, өнер саласының мамандары, сарапшылар, ғалымдар және сенаторлар ұлттық білім беру жүйесінің даму үрдісін талқылап, осы бағытты реформалау жөнінде ұсыныстарын білдірді. Толығырақ сілтеме бойынша @senate_kz

Бүгін — ұлы ақын Жамбыл Жабаевтың туған күні. Ақынның мұрасы қазақ халқы тарихының айнасы болса, патриоттық пен сүйіспеншілікке толы поэзиясы қазақ әдебиетінің жауһарына айналды. Ол азаматтық және саяси поэзияның дамуына орасан зор үлес қосты. Жамбыл Жабаевтың «Туған еліме» толғауы бүкіл Кеңес Одағына ақынның даңқын паш етті. 1936-1945 жылдар аралығында жарық көрген өлеңдерінің көлемі 13 мың тармақтан асты. Ақын елдің жетістіктер мен жаңалықтарын, Ұлы Отан соғысындағы жеңісі мен ерлігін ерекше ықыласпен дәріптеді. Оның шығармалары әлемнің 50-ден астам тіліне аударылған. Жамбыл Жабаев 1938 жылы Қазақ КСР Жоғарғы Кеңесінің депутаттығына сайланып, 1941 жылы КСРО Мемлекеттік сыйлығының лауреаты атанды. Сондай-ақ Ленин, Еңбек Қызыл Туы,…

Қазақстан мен Өзбекстан тауар айналымын арттыруға жағдай жасайды Мәжіліс Қазақстан мен Өзбекстан арасындағы одақтастық қатынастар туралы шартты ратификациялады. Құжат 2022 жылы 22 желтоқсанда Ташкентте жасалған. Мақсаты – қазақ-өзбек қатынасын өзара іс-қимыл мен екіжақты ынтымақтастықтың жаңа деңгейіне көтеру, екі мемлекеттің тәуелсіздігін, егемендігін, аумақтық тұтастығын және тұрақты экономикалық дамуын одан әрі нығайтуға жәрдемдесу. Шарт негізінде тараптар қандай да бір блоктарға немесе одақтарға қатыспау міндеттемесін растайды, сондай-ақ басқа тарапқа бағытталған қандай да бір іс-әрекеттерге қатысудан бас тартады. Құжатқа сәйкес тараптар өзара экономикалық кооперацияны тереңдету, сауда айналымын, инвестициялық қызметті, кәсіпкерлік және өзге де шаруашылық қызметті нығайту және ұлғайтуға көмектеседі. Сондай-ақ өзара байланысты көлік жүйесін…

«МӘМС жүйесі қажет» – Денсаулық сақтау министрі Денсаулық сақтау министрі Ақмарал Әлназарова МӘМС жүйесіне бөлінген қаражаттың тиімсіз жұмсалғанын айтты. Міндетті әлеуметтік медициналық сақтандыру қызметі азаматтарға керек көмекті өз деңгейінде көрсете алмай отыр. Осыған байланысты тиісті шараларды дайындап жатырмыз, оның ішінде заң аясында өзгертулер қажет. Себебі мемлекет тарапынан кепілдендірілген медициналық көмек пен МӘМС жүйесіндегі қызметтердің бәрі араласып кеткен. Осының салдарынан халық пен қызметкерлердің арасында түсінпеушілік болып отыр. Сондай-ақ бұл мәселенің бәрі қаражатты тиімсіз жұмсауға алып келді, — дейді Ақмарал Әлназарова. @baq_kz Бізге жазылыңыз: https://t.me/baimedia https://www.facebook.com/profile.php?id=61556174083546

Мемлекет басшысы «Қазақстан Республикасының кейбір заңнамалық актілеріне жайылымдарды пайдалану мәселелері бойынша өзгерістер мен толықтырулар енгізу туралы» Заңға қол қойды. Бұл құжат жайылымдарды басқару және пайдалану саласындағы заңнаманы жетілдіруге бағытталған. Түзетулер 5 заңнамалық актіге, оның ішінде Жер, Орман кодекстеріне енгізілді. Түзетулердің бірінші блогы жекелеген адамдардың малын жаюға арналған жайылымдық алқаптардың тапшылығын жоюға бағытталған. Осы мақсатта Жер кодексіне және «Жайылымдар туралы» Заңға жайылымдардың жаңа түрі, яғни «қоғамдық жайылымдар» ұғымы енгізілді. Қоғамдық жайылымдар тек жергілікті тұрғындардың малын жаюға пайдаланылады. Олар жалға берілмейді. Қоғамдық жайылымға жатпайтын жайылымдардың жалға берілуі және шабындық үшін пайдаланылуы мүмкін. Қоғамдық жайылымдарды, сондай-ақ жайылымдарды ауыл шаруашылығы алқаптарының басқа түрлеріне ауыстыруға…

ҚМДБ намаз уақыттарын өзгерту туралы маңызды үндеу жариялады 2024 жылдың 29 ақпанынан 1 наурызға қараған түні сағат 00:00-де Астана, Алматы, Шымкент, Абай, Ақмола, Жамбыл, Жетісу, Қарағанды, Қостанай, Павлодар, Солтүстік Қазақстан, Түркістан, Ұлытау және Шығыс Қазақстан облыстары жергілікті уақытты 1 сағатқа артқа жылжытады. Осылайша, еліміздің барлық аймағы 5-ші сағаттық белдеуде орналасады. 29 ақпаннан 1 наурызға қараған түні сағат 00:00-де Қазақстан бойынша UTC (Дүниежүзілік үйлестірілген уақыт) +5 уақытына ауысқан сәтте намаз уақыттары да автоматты түрде өзгереді. Қазақстан мұсылмандары діни басқармасының ресми www.muftyat.kz сайтындағы намаз кестесінен өздеріңізге қажетті ауыл мен қаладағы намаз уақыттары жайлы мәліметтерді алуға болады. Ал жұма намазына қатысты мәлімет төмендегі…

Мемлекет басшысы Қауіпсіздік Кеңесінің отырысын өткізді. Жиын барысында Ұлттық қауіпсіздік стратегиясын жүзеге асыруға бағытталған негізгі әдіс-тәсілдерді жандандыру мәселелері қарастырылды. Мемлекет басшысы әлемде қалыптасқан күрделі геосаяси ахуал жағдайында талқыланып отырған проблематика Қазақстанның экономикалық және әскери әлеуетін нығайту тұрғысынан зор мәнге ие екенін атап өтті. Қасым-Жомарт Тоқаев ұлттық қауіпсіздікке қауіп төндіретін негізгі сын-қатерлерге объективті талдау жасап, олардың алдын алу шараларын әзірлеу қажеттігін айтты. Президент азаматтардың және тұтас мемлекеттің қауіпсіздігі Үкімет пен барлық ведомство қызметінің басым бағыты ретінде әрдайым ерекше назарда болуға тиіс екенін атап өтті. Қауіпсіздік Кеңесі отырысының қорытындысы бойынша ұлттық мүддені қорғау және ұлттық қауіпсіздікке төнетін қатерлерді басқару жүйесінің тиімділігін арттыруға…