Астана. 18 тамыз. BM.KZ — Руслан Берденовтің сотында бүгін түстен кейін жарыссөз басталып, онда мемлекеттік айыптаушы Ернар Жиенбайды адам өлтіруге оқталғаны үшін кінәлі деп танып, 11 жыл 3 айға бас бостандығынан айыруды сұрады.
Прокурордың айтуынша, ҚР ҚК 24-бабы 3-тармағы, 99-баптың 1-тармағы бойынша осындай жаза қарастырылып отыр. Өйткені, адам өлтіруге оқталса, онда кісі өлтірген жағдайдағы жазаның үштен бірі қарастырылған. Сондықтан, 24-баптың 3-тармағында көзделген 8 жылдан 15 жылға дейінгі жазаның төрттен үші, яғни, 11 жыл 3 ай лайықты деп есептейді.
Ал Берденовтің адвокаты Жеңіс Тыныбек оған келіспейтінін мәлімдеді.
“Іс қосымша ҚР ҚК 99-бабы, 2-тармағымен саралануы керек еді. Себебі, атыс адам жүретін жерде болған. Айтылған жазаға да, тағайындалған бапқа да келіспейсіз. Прокуратурадан қаулы шығаруды сұраймыз”, – деді ол.
Айта кетейік, шулы сот отырысына Руслан Берденовтің өзі бүгін екінші рет онлайн қатысып, осы сот процесі басталғалы бері алғаш рет сөйледі.