Әлеуметтік желіде қазақсандықтың итті машинаға байлап, сүйреген видеосы тарады, деп хабарлайды Баймедиа.кз.
«Итті көлікке байлап, жерге сүйреген. Ит тұншығып қала жаздады. Ер адамды тоқтатып, итті босатуға мәжбүрледік. Адам емес. «Бастық осылай әкетуге бұйырды» дейді», — деп жазды желідегі видео авторы.
Алматы облысының полиция департаменті Қарасай ауданының полицейлері күдіктіні анықтап, ұстағанын хабарлады. Оған қатысты жануарларға қатыгездік жасау дерегі бойынша қылмыстық іс қозғалды.
Айта кетейік, Қазақстан Қылмыстық кодексінің 316-бабы 120 АЕК-ке дейінгі мөлшерде (2024 жылы 443 мың теңге) айыппұл түрінде не түзеу жұмыстары түрінде, не қоғамдық жұмыстар түрінде 120 сағатқа дейінгі мерзімге не 30 тәулікке дейінгі мерзімге қамауға алу түрінде жаза көздейді.