Астана. 9 қыркүйек. BM.KZ — Израиль армиясы ауқымды әскери операцияның кеңеюіне байланысты Газа қаласы тұрғындарын толық эвакуациялауға шақырды, деп хабарлайды AP. Агенттіктің мәліметінше, бұл қазіргі қақтығыстар барысында берілген алғашқы толық эвакуация жөніндегі ескерту.
Қалада шамамен бір миллион палестиналық тұрады, алайда олардың «тек аз ғана бөлігі» эвакуацияланған. Израильдің қорғаныс министрі Исраэль Кац бүгінгі мәлімдемесінде ел әскері Газадағы 30 көпқабатты ғимаратты жойғанын мәлімдеді. Оның айтуынша, «Хамас» қозғалысы бұл нысандарды әскери инфрақұрылым ретінде пайдаланған.
Бұған дейін Израиль билігі АҚШ ұсынған бітім жоспарын қабылдауға дайын екенін білдірген еді. Бұл жоспарға сәйкес, 2023 жылғы 7 қазанда тұтқынға алынған барлық адамдарды бір кезеңде босату және «Хамасты» қарудан толықтай ажырату қарастырылған.
Кешкісін Израиль премьер-министрі Биньямин Нетаньяху Газаға қарсы «негізгі ауқымды операцияның» басталатынын жариялап, жергілікті тұрғындарды қаладан кетуге шақырды.