Астана. 26 ақпан. BM.KZ — Куба билігі елдің аумақтық суларында болған атыс оқиғасы салдарынан төрт адамның қаза тапқанын мәлімдеді, деп хабарлайды Euronews.
Куба жағалау күзеті АҚШ-та тіркелген жылдам катерді тоқтатпақ болған. Алайда катер экипажы берілген бұйрыққа бағынбаған. Ресми мәліметке сәйкес, сол сәтте катерден патрульдік кемеге қарай оқ атылған. Бұған жауап ретінде Куба шекарашылары да қару қолданған.
Атыс салдарынан катердегі алты адам және патрульдік топтың командирі жарақат алды. Зардап шеккендердің барлығы ауруханаға жеткізілген.
Биліктің хабарлауынша, FL7726SH нөмірлі, Флоридада тіркелген катер Вилья-Клара провинциясындағы Фальконес-Кей аралы маңынан, шамамен бір миль қашықтықта анықталған.
АҚШ тарапы бұл оқиғаға қатысты әзірге ресми мәлімдеме жасаған жоқ.