Астана. 28 тамыз. BM.KZ – Energy Fuels компаниясының акциялары Қазақстан уран өндірісін арттыратыны туралы хабардан соң 20%-ға жуық төмендеді, деп хабарлайды GuruFocus порталы.
Америкалық уран өндіруші Energy Fuels акциялары 19,3%-ға арзандап кеткен. Қазақстандағы «Қазатомпром» мен француздық Orano бірлескен кәсіпорны Түркістан облысындағы Мойынқұм кен орнында өндіріс көлемін 2026 жылға қарай жылына 4 000 тоннаға дейін ұлғайтатыны туралы жаңалықтан соң инвесторлар әлгі компания акцияларына қызығушылығын азайтқан. Жаңа қайта өңдеу зауыты кен орнының оңтүстік бөлігінде 2025 жылдың шілдесінде іске қосылған болатын.
Бұл жаңалықтардан кейін саладағы басқа компаниялардың да акциялары құлдыраған. Мысалы, Lightbridge – 14,1%, Uranium Energy – 12,5%-ын жоғалтқан. Сарапшылар мұны әлемдік нарықтағы ұсыныстың артып кету қаупімен байланыстырады. Бұл жағдай уран бағасына қысым жасауы мүмкін.