Шымкент. 27 тамыз. BM.KZ – OTYRAR телеарнасы жаңа маусымды жаңарған көзқараспен және жаңа басшымен бастайды.
OTYRAR телеарнасы мен сайты, «РАБАТ» және «Oñtüstık Rabat» газеттерін қамтитын медиахолдингтің директоры болып белгілі журналист әрі медиа-менеджер Шуддин Лечиұлы Саидов тағайындалды.
Ол тележурналистика саласында 17 жылдық тәжірибесі болса, соның он жылы OTYRAR телеарнасының ұжымында өткен. Журналист, продюсер, жүргізуші ретінде ол репортер микрофонынан басшылық орынға дейінгі жолдың бәрінен өтті. Оның еңбегі мемлекеттік деңгейде бірнеше рет ерекшеленді: «Ерен еңбегі үшін» медалі, «Ақпарат саласының үздігі» төсбелгісі, «Қазақстан халқы Ассамблеясына 30 жыл» мерейтойлық медалі және «Халық алғысы» медалімен марапатталған.
Шуддин Саидов қызметіне кірісе салысымен ұжым бойына жаңаша қан жүгірді. Оның басшылығымен медиахолдинг Астана және Алматы қалаларында жаңа тілшілік пункттерін іске қосты. Бұл хабар тарату аумағын кеңейтіп, еліміздің барлық маңызды алаңынан ақпаратты жедел жеткізуге мүмкіндік береді.
Медиахолдинг командасы өз ұстанымдарына адал болып қала береді: шынайы ақпарат беру, жылдам жұмыс істеу және жалған ақпаратқа жол бермеу. Бұрынғыдай, көрерменнің сүйікті бағдарламалары мен жүргізушілері эфирде қала береді — олар шымкенттіктердің күнделікті өмірінің бір бөлігіне айналған.
Дегенмен, алда көптеген жаңа белестер тұр: жаңа жобаларды іске қосу, жарқын форматтарды іздеу және жаңа бағыттарды дамыту жоспарда бар.
«Мен үшін телевизия – жәй кәсіп емес. Бұл өз қаласында және елімізде болып жатқан оқиғаларды білгісі келіп, телеарнаны қосатын адамдар алдындағы жауапкершілік», — дейді Шуддин Саидов.
Жаңа маусым енді ғана басталды. Медиахолдинг оны жаңа идеялармен, ерекше жігермен және көрерменге деген құрметпен қарсы алуға дайын.