Алматы. 26 тамыз. BM.KZ — Бүгін Алматыда футбол жанкүйерлері үшін тарихи сәт. Қаладағы Орталық стадионда алғаш рет УЕФА Чемпиондар лигасының гимні шырқалып, «Қайрат» пен Шотландияның «Селтик» клубы плей-офф кезеңінің жауапты кездесуіне шығады.
Ойынның басталуы 21:45-ке жоспарланған. Қалалық полиция департаментінің мәліметінше, матч уақыты кезінде көлік қозғалысына уақытша шектеу қойылуы мүмкін. Шектеулер Абая даңғылы – Байтұрсынов, Мұқанов және Сәтбаев көшелерімен шектелген аумақта енгізіледі. Мұндағы мақсат кептелістердің алдын алу және арнайы қызмет көліктерінің еркін қозғалысын қамтамасыз ету.
Жауапты ойында қоғамдық тәртіп пен жол қозғалысы қауіпсіздігін қамтамасыз ету үшін шамамен 2 мың полиция қызметкері жұмылдырылады.
Айта кетейік, бірінші ойын 21 тамызда Глазгода 0:0 есебімен аяқталған еді.