Астана. 13 тамыз. BM.KZ – Биылғы бірінші жартыжылдықта елімізде 13,8 мың тонна дәретхана қағазы өндірілген. Бұл көрсеткіш өткен жылдың салыстырмалы кезеңінен 13,9%-ға төмен. Ал алдыңғы жылы керісінше, өндіріс көлемі 19,7%-ға өскен еді. Бұл туралы Energyprom.kz жазды.
2023 жылдың сәйкес кезеңімен салыстырғанда биылғы нәтиже небәрі 3%-ға ғана жоғары. Былтыр Қазақстанда 31,9 мың тонна дәретхана қағазы шығарылған. Бұл 2023 жылмен салыстырғанда 12,4%-ға артық. Дегенмен биылғы өндірістегі төмендеу елдің өзін-өзі қамтамасыз ету деңгейіне әсер еткен. Биылғы қаңтар-мамыр аралығында отандық зауыттар ішкі нарықтағы және экспорттағы сұраныстың тек 44,7%-ын ғана қамтамасыз еткен. Бұл өткен жылғы көрсеткіштен айтарлықтай 67%-ға аз.
Импорттың үлесі бір жылда 33%-дан 55,3%-ға өскен. Оның көлемі 2,1 есеге артып, 14,4 мың тоннаға жеткен. Экспорт және реэкспорт көлемі керісінше азайып, 129,3 тоннаны құрап отыр.
Сарапшылардың айтуынша, Қазақстанда дәретхана қағазына сұраныс әлі де жоғары және жылдан-жылға артып келеді, алайда жергілікті өндіріс тұтынушылардың қажеттілігін толық өтей алмай отыр.