Елдос Қоспаевтың қылмыстық тобы мен Болат Назарбаев арасындағы байланыс сот процесі барысында анықталды, деп хабарлайды Baimedia.kz.
Қоспаев Болат Назарбаевтың холдингі — BN Invest компаниясында басшылық қызметтер атқарған, оның ішінде директордың орынбасары болған. Айыптау тараптың мәліметінше, Қоспаев Назарбаевтың атын жамылып, рейдерлік басып алуларға, алаяқтыққа және қылмыстық жолмен алынған кірістерді заңдастыруға қатысқан.
«2016 жылдың қазан айынан бастап Елдос Қоспаев Назарбаев Болат Әбішұлының – Қазақстан Республикасының Тұңғыш президентінің інісі әрі «BN Invest» қаржы-өнеркәсіптік холдингінің басшысы – сенімін теріс пайдалана отырып, оның атын жеке басының пайдасы үшін қолдануға бел буды. Ол бұл есімді компанияларды рейдерлік жолмен басып алу, бөгде мүлік пен ақша қаражатын ұрлау, көлеңкелі экономика саласында аса ауыр және ауыр қылмыстар жасау, жекеменшік нысандарды заңсыз иемдену, (…) қылмыстық жолмен алынған ақшалай қаражат пен өзге де мүлікті заңдастыру арқылы байып кету мақсатында пайдаланған», — делінген іс құжаттарында.
Қоспаев бастаған топ AV-Construction компаниясына тиесілі 133 пәтер мен коммерциялық нысандарды туыстары мен үлестес тұлғаларға төмен бағаға сатқан. Сатып алушылардың қатарында Назарбаевтар әулетінің туыстары мен Алматының бұрынғы әкімі Бауыржан Байбектің әкесі Қыдырғали Байбек те бар.