Премьер-министр теңге бағамының күрт әлсіреуіне негіз жоқ екенін мәлімдеді.
Қазақстанның Премьер-министрі Олжас Бектеновтың айтуынша, теңге бағамы тек нарықтық фактор негізінде қалыптасады.
«Бізде валюта бағамы нарықтық факторлар негізінде қалыптасады, Ұлттық банк тарапынан қандай да бір араласу жүргізілмейді. Бүгінгі таңда біздің және беделді сарапшылардың бағалауынша, теңге бағамының күрт әлсіреуіне алғышарттар жоқ», — дейді Үкімет басшысы.
Сөзінше, базалық сценарий бойынша доллар бағамы 540 теңге. ал бір баррель мұнайдың бағасы 60 долларды құрайды. Ал өзгеріс болған жайдайда қосымша жоспар бар көрінеді. Сондықтан жауаптылар ұлттық валюта құнсызданбайдынын жеткізді.
«Біз девальвация күтіп отырған жоқпыз. Теңге бағамының кенет түсуі болмайды», — дейді Премьер-министр.
Жыл басынан бергі АҚШ долларының теңгеге шаққандағы бағамы келесідей:
| Қаңтар | Ақпан | Наурыз | 1 тоқсан | Сәуір | Мамыр | Маусым | 2 тоқсан | 15.07.2025ж | |
| АҚШ доллары | 524,67 | 506,03 | 497,99 | 510,17 | 514,64 | 511,77 | 514,72 | 513,77 | 524,24 |