Астана. 1 қазан. BM.KZ – UEFA Чемпиондар лигасы негізгі кезеңінің екінші турында қазақстандық «Қайрат» (Алматы) өз алаңында испаниялық «Реал Мадридпен» кездесіп, ірі есеппен жеңіліп қалды.
Тарихи матч Алматының Орталық стадионында өтті. Жергілікті жанкүйерлердің қолдауымен алаң иелері ойын тізгінін алғашқы минуттардан өз қолына алуға тырысты. «Қайрат» футболшылары бірнеше қауіпті шабуыл ұйымдастырып, мадридтік клуб қақпашысы Тибо Куртуаны әбігерге салды.
Дегенмен, Хаби Алонсо жаттықтыратын «Реал» да қарымта шабуылдарымен көзге түсті. 25-минутта төреші «Қайрат» қақпасына пенальти белгіледі. Оныншы нөмірдегі Киллиан Мбаппе он бір метрлікті мүлт жібермей, есепті ашты.
Екінші таймда мадридтіктер басымдығын күшейтті. 52-минутта Мбаппе дубльдің авторы атанса, 74-минутта хет-трик жасап, «Қайрат» қақпасына үшінші голын соқты. Кездесудің соңғы нүктесін Браим Дияс қойды.
Осылайша, Орталық стадионда жиналған 22 788 жанкүйердің көз алдында «Қайрат» 0:5 есебімен испандық алып командадан ұтылды.