Елімізде көліктерді жалған құжатпен тіркегендерге қатысты тексеріс басталды
Кейбір азаматтар елге ескі және қауіпті жүк көліктерін, автобустарды жалған құжаттар бойынша әкелуге тырысып, шығарылған жылын ауыстыған. Есеп бойынша бюджетке 14,3 миллиард теңге залал келтірілген.
«Егер автокөліктің шығарылу мерзімі бес жылдан асса 2500 АЕК төлеу керек. Екі жыл толмаса, төленетін сома 0,25 АЕК-ке дейін қысқарады. Тек анықталған деректер бойынша 2022-2023 жылдары сотқа дейінгі 23 тергеу басталды”, – делінген хабарламада.
Қаржы мониторингі агенттігінің хабарлауынша, мамандандырылған ХҚКО-ның 59 лауазымды тұлғасы мен мемлекеттік органдар қызметкерлерінің қатыстылығы тексеріліп жатыр.
Алаяқтық схемаларды ұйымдастырушылар арнайы ХҚКО-ға жалған түбіртектерді ұсына отырып, автокөлікті есепке қоюды жүзеге асырған. Кейбір жағдайларда тіркеу (2016 жыл) Egov порталы арқылы онлайн режимде, жалған құжаттарды пайдалана отырып жүргізілген.